Agenda and minutes

Y Cynghorydd S Adan (Cynrychiolydd Ffydd), y Cynghorydd F Hussain (Cynrychiolydd Ffydd) a Jo Crawley (Cynrychiolydd Athrawon a Chymdeithas Genedlaethol yr Ysgolfeistri ac Undeb yr Athrawesau)

Cadarnhawyd bod cofnodion y cyfarfod diwethaf yn gofnod cywir a phriodol. Nododd y Pwyllgor ei fod yn dal i chwilio am aelodau newydd i'r Fforwm

Gweler eitem 1 ar yr agenda.

Cyflwynodd Dirprwy Bennaeth Ysgol Gynradd Clytha ar y cyd â'r Gr?p Llais y Disgybl. Disgrifiodd Dirprwy Bennaeth Ysgol Gynradd Clytha y dull allweddol o ymdrin â CGM yn Ysgol Gynradd Clytha.

Pwyntiau Allweddol:

•         Mae CGM yn wrthrychol, yn feirniadol ac yn amryfath. 

•         Mae CGM yn cwmpasu parch at farn a chredoau pobl eraill.

•         Rhoddir cymorth i athrawon i greu llif gwell o ddilyniant.

•         Gwerthoedd craidd Ysgol Gynradd Clytha yw caredigrwydd, onestrwydd a pharch.

•         Mae llawer o waith wedi'i wneud mewn cydweithrediad â sefydliad Onyx.

•         Crëwyd fframwaith o amgylch y gwahaniaethau o fewn credoau yn hytrach na chanolbwyntio ar ddull cyffredinol o ymdrin â nhw i gyd yn unig.

Nododd yr Ymgynghorydd Athrawon ar gyfer CGM fod ailedrych ar waith yn broses hanfodol yn CGM.

Pwyntiau Allweddol:

•         Fel rhan o'u gwerth heddwch, caiff myfyrwyr eu haddysgu sut i dawelu gwrthdaro.

•         Mae'r ysgol yn canolbwyntio ar wneud i rieni a theuluoedd deimlo'n gyfforddus i rannu am eu ffydd gyda'r ysgol.

•         Mae'r ysgol wedi creu map i ddangos pa grefyddau sy’n cael eu trafod ym mhob gr?p blwyddyn yn ogystal ag amlygu adnoddau amrywiol sydd wedi’u defnyddio i greu ei chwricwlwm.

•         Mae'r ysgol yn canolbwyntio ar straeon a rhannau allweddol eraill o waith crefyddol i helpu i ddatblygu gwybodaeth ddyfnach o'r grefydd.

•         Ffocws gwych yw cymryd egwyddorion crefyddol a'u cysylltu â bywyd bob dydd er mwyn i ddisgyblion gael gwell dealltwriaeth o waith crefyddol hyd yn oed os nad yw'r crefyddau hynny'n berthnasol i'r myfyrwyr hynny'n benodol.

•         Ffocws allweddol yn y cwricwlwm yw gwrth-hiliaeth a datrefedigaethu'r cwricwlwm.

•         Gwnaeth y gr?p Llais y Disgybl ddangos i aelodau’r CYSAG enghreifftiau o sut yr oeddent wedi ymchwilio i grefyddau allweddol. Roeddent hefyd yn gallu dangos arteffactau crefyddol i ddathlu G?yl y Cysegriad. Esboniodd un disgybl y ffordd unigryw yr oedd ei theulu’n dathlu'r Nadolig a G?yl y Cysegriad gyda'i gilydd (‘Chrismukkah’). 

Tynnodd y Fforwm sylw at bwysigrwydd Ysgol Gynradd Clytha yn rhoi dewis i blant lunio eu cwricwlwm a nododd ei bod yn bwysig gweld CGM o ansawdd da yn cael eu cynnal mewn ysgolion.

Nododd y Fforwm faterion o ran y ffaith bod y gwaith mewn ysgolion uwchradd yn wahanol iawn i'r gwaith a oedd yn cael ei gwblhau mewn ysgolion cynradd. Roedd hyn oherwydd amserlennu a'r ystod eang o bynciau a oedd yn cael eu haddysgu’n annibynnol. 

Diolchodd y Fforwm i Ysgol Gynradd Clytha a'r myfyrwyr a gymerodd ran yn y cyflwyniad.

Gofynnodd y Pennaeth Addysg a allent fenthyg peth o'r gwaith gan Ysgol Gynradd Clytha i arddangos y gwaith o fewn y Ganolfan Ddinesig. Dywedodd Dirprwy Bennaeth Ysgol Gynradd Clytha wrth y Pwyllgor y gellid edrych ar hyn.

Esboniodd Dirprwy Bennaeth Ysgol Gynradd Clytha wrth y Pwyllgor y gellid rhannu'r wybodaeth a gyflwynwyd gyda'r Fforwm.

Gweler eitem 2 ar yr agenda. 

Cyflwynodd yr Ymgynghorydd Athrawon ar gyfer CGM yr eitem hon i'r Pwyllgor. 

Pwyntiau Allweddol

•         Mae'r gwaith hwn yn cael ei gyflwyno ar draws Casnewydd a darparwyd cyllid clwstwr ar gyfer yr hyfforddiant gan y Gwasanaeth Cyflawni Addysg (GCA). 

•         Roedd map dilyniant wedi'i greu gyda'r gwaith rhinweddau wedi’i ymwreiddio.

•         Tynnodd yr Ymgynghorydd Athrawon ar gyfer CGM sylw at y ffaith y gellid cynnal sesiwn blasu Athroniaeth i Blant i'r Fforwm er mwyn iddo allu gweld y gwaith a oedd yn cael ei wneud. 

•         Nododd y Pennaeth Addysg y dylid cynhyrchu cofnod i ddangos y gwaith a wnaed gan y clwstwr. 

•         Tynnodd yr Ymgynghorydd Athrawon ar gyfer CGM sylw at y ffaith bod caredigrwydd yn rhinwedd allweddol a drafodwyd yn y tymor blaenorol.  

•         Hoffai’r Pennaeth Addysg i gofnodion y sgyrsiau clwstwr gynnwys blwch sy'n awgrymu a ellid datblygu astudiaeth achos neu a oes arfer gorau i'w rannu. 

•         Dywedodd y Fforwm yr hoffai gymryd rhan mewn sesiwn Athroniaeth i Blant fer i'w deall yn fwy.

Cyflwynodd yr Ymgynghorydd Athrawon ar gyfer CGM yr eitem hon i'r Pwyllgor a rhannodd adnoddau amrywiol ar gyfer Diwrnod Cofio'r Holocost a nododd y gellid rhannu’r wybodaeth am Ddiwrnod Cofio'r Holocost y tu allan i'r Fforwm.

Cyflwynodd yr Ymgynghorydd Athrawon ar gyfer CGM yr eitem hon i'r Pwyllgor. 

Cyflwynodd yr Ymgynghorydd Athrawon ar gyfer CGM yr eitem hon i'r Pwyllgor. 

Pwyntiau Allweddol:

Gofynnodd yr Ymgynghorydd Athrawon i'r Fforwm a oedd am wneud unrhyw ddiwygiadau i'r adroddiad. Nododd y Pwyllgor fod diffyg aelodaeth yn fater hollbwysig. Tynnodd y Pennaeth Addysg sylw at y ffaith y byddai’n edrych ar y cylch gorchwyl eto i weld pa grwpiau allweddol yr oeddent ar goll o'r Pwyllgor. 

Nododd y Pennaeth Addysg hefyd fod y rhai nad ydynt wedi mynychu sawl cyfarfod y Fforwm yn cael eu tynnu oddi ar restr y Fforwm. Dywedodd y Fforwm yr hoffai gwrdd â darpar aelodau yr oeddent am ymuno â'r Fforwm y flwyddyn nesaf er mwyn gweld pwy fyddai'n addas. 

Derbyniwyd yr adroddiad gan y Fforwm.

Nid oedd unrhyw fater arall i’w drafod. Dyddiad y cyfarfod nesaf yw 12 Mawrth 2024. Bydd y Pwyllgor yn cael gwybod am y lleoliad yn fuan.