Agenda and minutes

Cynghorydd Linton.

Dim.

Gwahoddwyd:

-       Meirion Rushworth – Pennaeth Cyllid

-       David Walton – Pennaeth Tai a Chymunedau

-       Silvia Gonzalez-Lopez – Pennaeth Amgylchedd a Gwarchod y Cyhoedd

-       Stephen Jarrett – Pennaeth Seilwaith

-       Elizabeth Bryant – Pennaeth Cyfraith a Safonau

-       Tracey Brooks – Pennaeth Adfywio a Datblygu Economaidd

-       Tracy McKim – Pennaeth Pobl, Polisi a Thrawsnewid

-       Alastair Hopkins - Uwchbartner Busnes Cyllid

Rhoddodd y Pennaeth Cyllid drosolwg byr o broses y gyllideb, a dweud y bu newid ar hyn o bryd i adlewyrchu lefel yr arbedion. Roedd bwlch o £2 filiwn yn y gyllideb llynedd. Ym mis Chwefror 2022 roedd y CATC yn dangos bwlch o £2 filiwn yn y gyllideb, ac yng Ngwanwyn 2022 cynyddodd chwyddiant, a chafwyd cynnydd yn ogystal mewn costau bwyd a thanwydd, ynghyd â heriau i’r gyllideb megis Tai a Digartrefedd, gyda Gofal Cymdeithasol hefyd yn fater o bwys, a newidiodd y sefyllfa.

Yr  oedd adroddiad yr Aelod Cabinet yn dangos y symudiadau, gyda chyflogau yn cynyddu o £6 miliwn. Roedd cynnydd o £18 miliwn o ran chwyddiant contractau, gydag ynni yn rhan fawr o hynny; cododd prisiau nwy, ac roedd chwyddiant hefyd mewn contractau Gofal Cymdeithasol. Roedd pwysau ar y gyllideb Gofal Cymdeithasol, ac angen £3.5 miliwn am Faes Tai a Digartrefedd. Roedd targedau cyllideb am bob maes, a chyflwynwyd gwerth £12miliwn o arbedion mewn cyllidebau yma i’r Pwyllgor. Cadarnhawyd y Grant Cymorth Refeniw (GCR) ym mis Rhagfyr 2022 ac roedd bwlch y gyllideb yn £16 miliwn, gyda’r cynnydd yn y GCR tua 9%. Ymgynghorwyd ar 50% o gynigion y gyllideb, a gwnaed y 50% oedd weddill dan Awdurdod Dirprwyedig.

HC2324/01 – Gwasanaethau Llyfrgell a Dysgu Cymunedol Oedolion

Rhoddodd y Pennaeth Tai a Chymunedau drosolwg gryno o’r cynnig i’r Pwyllgor, oedd yn cynnwys newid i’r gwasanaethau gydag arbediad o £110,000 am y flwyddyn ariannol gyntaf, a £15,000 yn y flwyddyn ddilynol. Bwriedir hefyd gwtogi ar oriau agor llyfrgelloedd, gyda Llyfrgelloedd y T?-Du a Betts yn cau am ddiwrnod, gostyngiad yn oriau agor Llyfrgell Malpas, ac ail-lunio Llyfrgell Pilgwenlli gyda gofod llai. Byddid yn arbed mewn meysydd eraill hefyd, megis lleihau oriau staff a mwy o fuddsoddiad mewn benthyca digidol.

Gofynnodd yr Aelodau y canlynol:

·         Beth fydd swyddogaeth y Llyfrgell Ganolog, ac a fydd gwasanaethau eraill yn cael eu hintegreiddio?

Cadarnhawyd y byddai’r Llyfrgell Ganolog yn dod yn hwb cymunedol ac yn bwynt cydgordio, er bod y newidiadau ehangach hynny yn benderfyniadau blaenorol i newid gwasanaethau, heb gysylltiad â’r cynigion hyn.

·         Beth fydd yn digwydd i’r staff yr effeithir arnynt, ac a fyddant yn dod yn rhan o wasanaethau eraill?

Cadarnhawyd mai cynnig oedd hwn i newid y ffordd y defnyddir yr adeilad, a defnyddio’r staff yn fwy hyblyg.

·         Cyfeiriodd Aelod at Atodiad 10 lle’r oedd arbediad o £110,000 ym mlwyddyn 1, a gwerth £88,000 o gostau yn yr arbediad hwnnw. Beth yw’r swm net?

Dywedodd y Pennaeth Tai a Chymunedau fod arbediad cylchol yn holl gynigion y gyllideb, felly byddai’r gost unwaith-am-byth yn erbyn yr arbediad cylchol o £110,000 bob blwyddyn.  ...  view the full Cofnodion text for item 3.

a)      Forward Work Programme Update (Appendix 1)

b)      Actions Plan (Appendix 2)

Gwahoddwyd:

-       Neil Barnett (Ymgynghorydd Craffu)

Cyflwynodd yr Ymgynghorydd Craffu y flaen-raglen waith, a hysbysu’r Pwyllgor am yr hyn sydd i’w drafod yn y cyfarfod:

Llun 20 Mawrth 2023

-       Cofnodion y cyfarfodydd blaenorol a gynhaliwyd ar 28 Tachwedd 2022 a 5 Rhagfyr 2022

Derbyniwyd cofnodion y cyfarfodydd blaenorol a gynhaliwyd ar 28 Tachwedd 2022 a 5 Rhagfyr 2022 fel cofnod cywir, gyda’r gwelliannau a’r sylwadau isod:

28 Tachwedd 2022

-        Tudalen 116 yr agenda - • Holwyd am y rheoliad parcio ar balmentydd ac a fyddai hyn yn digwydd ledled y ddinas. Nodwyd hefyd fod parcio ar balmentydd wedi ei ganiatáu er mwyn rhoi lle i gerbydau brys.

-        Dywedodd y Cyfarwyddwr Strategol fod hyn wedi dod o Lywodraeth Cymru, a byddant yn ei orfodi er mwyn rhoi blaenoriaeth i gerddwyr. Nododd aelod o’r pwyllgor fod problem gyda pharcio ar balmentydd yn ystod amseroedd codi a gollwng wrth ysgolion, sy’n rhwystro cerbydau brys rhag mynd heibio. Dywedodd y Cyfarwyddwr Strategol fod ganddynt rai pwerau gorfodi gyda hyn, ond ei fod yn anodd gan ei fod yn digwydd dros ardal mor eang ar yr un adegau. Ychwanegodd y Pennaeth Gwasanaeth eu bod yn aros am gyfarwyddyd am sut i’w weithredu.

Holodd yr Aelodau a ddaeth cyfarwyddyd eto am weithredu hyn? Dywedodd yr Ymgynghorydd Craffu wrth y Pwyllgor y bydd yn mynd ar ôl hyn.

Tudalen 116 yr agenda - • Holodd aelod o’r pwyllgor am amserlenni digidol mewn arosfannau bysus a bod y dyddiad targed eisoes wedi mynd heibio.

Dywedodd y Pennaeth Gwasanaeth ei bod yn gweithio gyda Thrafnidiaeth Casnewydd i roi gwybodaeth ddigidol mewn cysgodfannau.

Holoddyr Aelodau a oedd unrhyw wybodaeth newydd am yr ymholiad hwn. Dywedodd yr Ymgynghorydd Craffu y bydd yn mynd ar ôl hyn.

-        Tudalen 118 – Casgliadau ar y Cynllun Gwasanaeth Amgylchedd a Gwarchod y Cyhoedd 2022-24. Gwnaeth y Pwyllgor y sylw y dylid cael targed o ran clirio’r archwiliadau tai aml-drigiannaeth a achoswyd oherwydd y pandemig.

Holodd yr Aelodau a oes unrhyw wybodaeth fwy diweddar am hyn. Dywedodd yr Ymgynghorydd Craffu y bydd yn mynd ar ôl hyn.

5 Rhagfyr 2022

-        Tudalen 123 – Cyfeiriwyd yn y cofnodion am geisio cael Casnewydd i fod yn ddinas “Marmot”. Roedd yr Aelodau eisiau gwybodaeth am hyn. Dywedodd yr Ymgynghorydd Craffu wrth y Pwyllgor fod cyfeiriad at hyn hefyd mewn cyfarfod diweddar o’r PGC – Partneriaethau, a bod dogfen wedi ei hanfon at y Pwyllgor hwnnw yn esbonio egwyddorion Marmot. Byddai’n cael ei anfon hefyd at y Pwyllgor Lle fel mater o gyfeirio.

-        Tudalen 125 - Gofynnodd yr Aelodau am ddiweddariad ar y sefyllfa reoli gyda’r Crwneriaid a’r Heddlu. Dywedodd yr Ymgynghorydd Craffu y bydd yn mynd ar ôl hyn.

-        Tudalen 127 - Gofynnodd yr Aelodau am wybodaeth am yr amseroedd aros gyda galwadau yng Nghanolfan Gyswllt y Ddinas. Dywedodd yr Ymgynghorydd Craffu y bydd yn mynd ar ôl hyn.

-        Tudalen 127 – Mae’r un ateb i Bwyntiau 4 a 5. Dywedodd yr Ymgynghorydd Craffu y byddai’r cofnodion yn cael eu newid.

-        Tudalen 129 – Mae angen cyfoesi’r Cynllun Gweithredu, gyda chais y Pwyllgor Cyfraith  ...  view the full Cofnodion text for item 5.