Cofnodion
Rhif | eitem |
---|---|
Cwestiwn i'r Aelod Cabinet dros Wasanaethau'r Ddinas: 2021/24 - Safleoedd Bws yn Ystâd Betws Cofnodion: Gofynnodd y Cynghorydd J. Jordan:
Yn ôl yn 2017/18, anfonais e-bost i wasanaethau'r ddinas yngl?n â'r safleoedd bws, rhai wedi’u difrodi a rhai heb lochesi, yn ystâd Betws.
Yr ymateb a gefais oedd nad oedd arian ar gael, a bod y Cyngor yn chwilio am arian eto a dywedwyd yr edrychir ar y sefyllfa pan fydd arian ar gael.
Rwy'n sylweddoli bod COVID-19 wedi tarfu ar fywyd dros y 18 mis diwethaf ond mae braidd yn rhyfedd bod safle bws y tu allan i ysgol parc Malpas wedi'i adnewyddu.
Felly pam nad yw'r rhai ym Metws wedi cael eu gwneud?
1. Felly, a allwch chi roi dyddiad i mi o ran pryd y bydd y rhain yn cael eu gwneud?
2. A yw'r arian wedi'i gymeradwyo ar gyfer y safleoedd bws newydd?
Atebodd y Cynghorydd R. Jeavons:
Mae arian wedi’i gael, drwy gais am arian gan Grant Llywodraeth Cymru, i brynu a gosod nifer o lochesi i deithwyr bysus i gymryd lle asedau sydd wedi cyrraedd diwedd eu bywyd gweithredol neu sydd wedi mynd heibio iddo.
Mae’r llochesi’n cael eu gosod mewn ardaloedd penodol i sicrhau arbedion maint gyda’r rhai cyntaf wrthi’n cael eu gosod yn ward Ringland.
Wedyn caiff llochesi eu gosod yn ward Betws mewn tua 4 wythnos. Nid yw'r arian a dderbynniwyd yn ddigon i fynd i'r afael â'r holl lochesi y nodwyd bod angen eu hadnewyddu ledled y ddinas. Fodd bynnag, caiff ceisiadau pellach am arian eu gwneud ar ddechrau 2022 gyda'r bwriad o gyflwyno'r rhaglen adnewyddu ymhellach.
Cafodd y lloches bws y tu allan i Ysgol Parc Malpas ei dinistrio mewn damwain car ac felly talwyd am y gwaith o’i hadnewyddu drwy arian yswiriant.
|