Agenda item

Gwahoddedigion:         Steve Manning (Uwch Swyddog Gwyddonol)

Silvia-Gonzalez Lopez (Pennaeth yr Amgylchedd a Diogelu’r Cyhoedd)

Cyflwynodd Pennaeth yr Amgylchedd a Diogelu’r Cyhoedd yr adroddiad. 

•       Holodd y Pwyllgor pam y bu bwlch rhwng Cynlluniau a pham mai NO2 oedd yr unig ddefnydd gronynnol a fesurwyd. Nododd yr Uwch Swyddog Gwyddonol y bwlch rhwng Cynlluniau a sicrhaodd y Pwyllgor mai diweddaru'r Cynllun oedd eu ffocws dros y tair blynedd ers iddynt ymuno â Chyngor Dinas Casnewydd. Hysbyswyd y Pwyllgor bod NO2 wedi cael ei fesur am mai dyma’r oeddent yn gallu ei fonitro orau ac y gallai gwerthoedd NO2 ddangos gyda sicrwydd rhesymol lefelau gronynnau eraill. Hysbyswyd y Pwyllgor, gyda deddfwriaeth yn y dyfodol a Deddf yr Amgylchedd (Ansawdd Aer a Seinweddau) (Cymru) yn 2025, y byddai

Mae’r ddogfen hon ar gael yn Saesneg / This document is available in English.

mwy o bwyslais yn cael ei roi ar fonitro arall, ond eu bod yn aros ar gyfarwyddyd ac adnoddau gan Lywodraeth Cymru (LlC) ar gyfer hyn.

•       Gofynnodd y Pwyllgor i'r paramedrau a ddangosir yn nhabl 5.5 gael eu hesbonio yn nhermau lleyg a gwnaeth yr Uwch Swyddog Gwyddonol hyn. 

•       Teimlai'r Pwyllgor fod yr adroddiad yn anodd ei ddarllen a'i ddeall ac y gellid gwella hyn i sicrhau bod y wybodaeth yn hygyrch. Eglurodd yr Uwch Swyddog Gwyddonol fod y ddogfen yn weddol amrwd a chytunodd y gellid ei gwella ond eglurodd fod yn rhaid iddynt lynu at y templed a ddarparwyd gan Lywodraeth Cymru a sicrhau bod yr holl wybodaeth y mae angen ei hadrodd yn cael ei dangos. Nododd Pennaeth yr Amgylchedd a Diogelu’r Cyhoedd y gellid creu dogfen eilaidd, fwy hygyrch i gyd-fynd â'r ddogfen dechnegol a'r broses ymgynghori. Croesawodd y Pwyllgor ddogfen gryno.

•       Gofynnodd y Pwyllgor sut y casglwyd data ar gyfer 2024. Eglurodd yr Uwch Swyddog Gwyddonol fod y data wedi'i ragweld trwy fodelu. 

•       Gofynnodd y Pwyllgor a fyddai'r terfyn o 20mya yn effeithio ar lygredd. Tynnodd yr Uwch Swyddog Gwyddonol sylw at y data modelu ond dywedodd wrth y Pwyllgor fod yn rhaid iddynt hefyd edrych at enghreifftiau o'r byd go iawn, ac na ychwanegwyd unrhyw fater arwyddocaol o ganlyniad. 

•       Nododd y Pwyllgor fod rhai ardaloedd a oedd yn cael eu monitro wedi gweld adroddiad o ddim newid neu waethygu o ran ansawdd aer. Amlygodd yr Uwch Swyddog Gwyddonol y byddai angen adolygiad monitro manwl ar ardaloedd sydd yn agos at dorri safonau ansawdd aer ond nododd fod y duedd gyffredinol yn dangos gostyngiad. 

•       Gofynnodd y Pwyllgor a fyddai'r adroddiad hwn yn cael ei gyflwyno i'r Cabinet. Nododd Pennaeth yr Amgylchedd a Diogelu'r Cyhoedd y byddai'n cael ei gyflwyno i'r Cabinet ar ôl ymgynghori. 

•       Teimlai'r Pwyllgor fod yr animeiddiad a ddarparwyd yn ddefnyddiol ond mynegodd bryder ynghylch cwestiynau arolwg yr ymgynghoriad a gofynnodd beth roeddent ei eisiau gan y cyhoedd o'r ymgynghoriad. Eglurodd yr Uwch Swyddog Gwyddonol ei fod yn waith ar y gweill. Sicrhaodd Pennaeth yr Amgylchedd a Diogelu'r Cyhoedd y Pwyllgor nad oedd yr ymgynghoriad wedi'i gyfyngu i'r ddogfen a ddarparwyd a hysbysodd y Pwyllgor fod trafodaethau uniongyrchol yn digwydd gyda grwpiau a sefydliadau ARhAA a bod yr arolwg wedi'i gynllunio i gasglu barn trydydd parti. 

•       Amlygodd y Pwyllgor fod 17 cwestiwn yn nogfen yr arolwg a dim ond 5 oedd yn uniongyrchol berthnasol i'r wybodaeth ynghylch ansawdd aer. Nododd Pennaeth yr Amgylchedd a Diogelu’r Cyhoedd fod safon nifer y cwestiynau mewn unrhyw arolwg. Amlygodd y Cyfarwyddwr Strategol Trawsnewid a Chorfforaethol fod cwestiynau data cydraddoldeb yn ddewisol i'r rhai a oedd yn ateb arolwg a'u bod wedi'u cynnwys i sicrhau nad oedd cymunedau'n cael eu colli o ran derbyn gwybodaeth.  

Casgliadau:

•       Argymhellodd y Pwyllgor y dylid creu dogfen gryno sy'n hygyrch ac yn ddealladwy i leygwyr ac sy'n cynnwys hyperddolenni i ddogfennau perthnasol eraill i'r rhai sy'n dymuno darllen ymhellach. Argymhellodd y Pwyllgor y dylid cyhoeddi hyn ar y wefan ac ochr yn ochr â'r ddogfen ymgynghori.