Cyllid
Gwahoddedigion:
-
Meirion Rushworth (Pennaeth Cyllid)
- Emma
Johnson (Rheolwr Refeniw a Budd-daliadau)
- Robert
Green (Pennaeth Cynorthwyol Cyllid)
-
Richard Leake (Rheolwr y Gwasanaeth Caffael a Thaliadau)
-
Rhys Cornwall (Cyfarwyddwr Strategol Trawsnewid a
Chorfforaethol)
Cyflwynodd y Cyfarwyddwr Strategol
Trawsnewid a Chorfforaethol yr adroddiad a rhoddodd y Pennaeth
Cyllid grynodeb.
Trafodwyd y canlynol:
- Derbyniodd y Pwyllgor y wybodaeth
ddiweddaraf am y Tîm Archwilio, gan gynnwys recriwtio dau
Archwilydd, creu swydd Uwch Archwilydd drwy ailstrwythuro
tîm, a chwblhau pedair ar ddeg o dasgau sicrwydd archwilio
unigol gan Bartneriaeth Archwilio De Cymru (PADC). Maent hefyd yn
ystyried partneriaeth tymor hwy gyda PADC. Disgwylir i'r cynnydd
fod ar waith erbyn mis Ebrill 2024, gyda gostyngiad yn y sgôr
risg gychwynnol oherwydd mesurau lliniaru. Trafodwyd rôl
Archwilwyr wrth hwyluso gwelliannau mewn adroddiadau archwilio
gwael, gyda sicrwydd bod modd rheoli'r llwyth gwaith a bod
archwiliadau ychwanegol yn cael eu cynnal yn achos canlyniadau
gwael.
- Gofynnodd y Pwyllgor am gynnydd
swyddogaethau hunanwasanaeth a’r ap Fy Ngwasanaethau Cyngor,
yn ogystal â sicrwydd i drigolion nad ydynt yn gallu
defnyddio TG. Mae'r tîm Gwasanaethau Cwsmeriaid yn gweithio
ar ehangu'r system ar draws adrannau eraill y Cyngor. Mae'r system
wedi'i chyflwyno i wasanaethau pellach, gyda ffocws penodol ar
gasgliadau biniau bob tair wythnos. Mae cymorth wyneb yn wyneb ar
gael yn y Llyfrgell Ganolog, a gall cwsmeriaid ffonio Canolfan
Gyswllt y Ddinas o hyd.
- Gofynnodd y Pwyllgor am gynnydd a heriau'r
system TG cyllid newydd. Byddai’r gwaith o brofi'r system yn
ailddechrau ganol mis Rhagfyr, ac mae'r dyddiad cwblhau
disgwyliedig wedi'i wthio yn ôl i fis Ebrill 2024. Mae
problemau mawr wedi'u nodi a'u datrys, gyda ffocws ar fynd i'r
afael â phroblemau llai wrth iddynt godi.
- Gofynnodd y Pwyllgor am gwblhau'r
dangosfwrdd a'r adroddiadau. Bydd y rhan fwyaf o'r gwaith ar y
dangosfwrdd yn cael ei gwblhau erbyn diwedd mis Rhagfyr 2023, ac
mae tua 80% o'r adroddiadau wedi'u cwblhau. Disgwylir i waith profi
ddechrau erbyn diwedd mis Rhagfyr 2023 neu ddechrau mis Ionawr
2024.
- Pwysleisiodd y Pwyllgor bwysigrwydd sicrhau
bod dinasyddion sy'n agored i niwed yn gallu cysylltu â'r
Cyngor a chydnabu’r angen i newid i wasanaethau
ar-lein.
- Gofynnodd y Pwyllgor am gyfradd y
dinasyddion a oedd wedi dechrau defnyddio gwasanaethau ar-lein.
Dywedodd y Pennaeth Cyllid nad oes ganddo’r data ond y bydd
yn trosglwyddo'r cais i'r Rheolwr Gwasanaethau Cwsmeriaid. Rhoddodd
y Rheolwr Cyllid a Budd-daliadau wybod am gynnydd sylweddol yn
nifer y trigolion a oedd yn defnyddio'r ffurflen newid cyfeiriad
ar-lein, a nododd y Pwyllgor gynnydd o 9% yn nifer dinasyddion
Casnewydd a oedd yn defnyddio gwasanaethau ar-lein.
- Gofynnodd y Pwyllgor am gynnydd Canolfan
Gyswllt y Ddinas a Phorthol Capita. Dywedodd y Rheolwr Cyllid a
Budd-daliadau fod Porthol Capita wedi mynd yn fyw yn gynharach
eleni, gyda dros 2000 o bobl yn defnyddio'r ffurflen newid
cyfeiriad ar-lein. Mae’r gwaith o gyflwyno nodweddion rheoli
taliadau wedi'i ohirio ond mae'n cael ei ddatrys trwy waith
cydweithredol. Sicrhaodd y Pennaeth Cyllid y Pwyllgor fod cynnydd
cadarnhaol yn cael ei wneud.
- Gofynnodd y Pwyllgor a fydd y tai newydd
arfaethedig yn y cynllun datblygu yn cynyddu refeniw. Dywedodd y
Pennaeth Cyllid y dylent greu £300-£400,000 ychwanegol,
gan fod y Dreth Gyngor yn cynhyrchu tua 25% o gyllideb gyffredinol
y Cyngor.
- Mynegodd y Pwyllgor bryder ynghylch ffigurau
perfformiad is na’r disgwyl y Ganolfan Gyswllt, a
chwestiynodd addasrwydd y dull gweithredu presennol. Rhoddwyd
gwybod i'r Pwyllgor fod adolygiad o daith gyfan y Cyngor i
gwsmeriaid ar y gweill ar hyn o bryd, gydag adroddiad canfyddiadau
i'w gyflwyno i'r Pwyllgor yn ddiweddarach.
- Tynnodd y Pwyllgor sylw at ei brofiad ei hun
o roi gwybod am argyfwng a gofynnodd am fesurau a oedd ar waith ar
gyfer adrodd am argyfwng. Nododd y Pennaeth Cyllid y potensial ar
gyfer gweithredu adrodd am argyfyngau ond tynnodd sylw at yr angen
i ystyried yn ofalus er mwyn osgoi camddefnyddio.
- Nododd y Pwyllgor ostyngiad yn amseroedd
aros galwadau ar gyfer y Dreth Gyngor a gofynnodd am gyfran yr
ôl-ddyledion a oedd o ganlyniad i drigolion yn cael trafferth
talu. Eglurodd y Rheolwr Cyllid a Budd-daliadau fod y rhan fwyaf o
drigolion yn talu eu Treth Gyngor heb ôl-ddyledion, a bod
mesurau ar waith i gynorthwyo'r rhai a oedd yn wynebu
anawsterau.
- Gofynnodd y Pwyllgor am y wybodaeth
ddiweddaraf am drigolion a oedd yn dewis y cynllun talu 12 mis.
Dywedodd y Rheolwr Cyllid a Budd-daliadau nad yw'r data ar gael ond
bod trigolion yn cael gwybod am yr opsiwn ar filiau papur a'r
wefan.
- Nododd y Pwyllgor ganrannau isel yn yr
adroddiad gyda dyddiadau cwblhau mis Mawrth/Ebrill 2024 a gofynnodd
am natur y newidiadau hyn. Dywedodd y Pennaeth Cyllid ei fod yn
ymwybodol o'r canrannau hyn ac yn anelu at eu cwblhau, ond bod
rhywfaint o oddrychedd.
- Dywedodd y Pwyllgor y bydd lefelau staffio'n
cael eu trafod yn ystod trafodaethau cyllidebol a gofynnodd am
gynlluniau i ddileu swyddi gwag heb eu llenwi. Dywedodd y
Cyfarwyddwr Strategol y byddai cynlluniau gwasanaeth yn cael eu
haddasu yn unol â hynny pe bai unrhyw arbedion.
- Gofynnodd y Pwyllgor am y nifer a oedd yn
manteisio ar gynlluniau Treth Gyngor i helpu trigolion a oedd yn ei
chael yn anodd. Awgrymodd y Cadeirydd ychwanegu'r pwnc hwn at y
flaenraglen waith.
- Gofynnodd y Pwyllgor am gynnydd integreiddio
swyddfa gefn gyda Fy Ngwasanaethau Cyngor. Nododd y Pennaeth Cyllid
yr angen i adolygu'r cynllun gwasanaeth oherwydd oedi a achoswyd
gan waith ychwanegol. Bydd y system Fy Ngwasanaethau Cyngor yn cael
sylw helaeth yn yr adolygiad parhaus o wasanaethau
cwsmeriaid.
Diolchodd y Pwyllgor i'r swyddogion am fod
yn bresennol.
Y Gyfraith a Safonau
Gwahoddedigion:
-
Elizabeth Bryant (Pennaeth y Gyfraith a Safonau)
- Mike
Wallbank (Pennaeth Cynorthwyol y Gwasanaethau
Cyfreithiol)
- Leanne
Rowlands (Rheolwr y Gwasanaethau Democrataidd ac
Etholiadol)
-
Rhys Cornwall (Cyfarwyddwr Strategol Trawsnewid a
Chorfforaethol)
Rhoddodd Pennaeth y Gyfraith a Safonau
grynodeb o'r adroddiad i'r Pwyllgor.
Trafodwyd y canlynol:
- Gofynnodd y Pwyllgor am ddiwygiadau
etholiadol a pharodrwydd ar gyfer etholiad cyffredinol posibl.
Rhoddodd Rheolwr y Gwasanaethau Democrataidd ac Etholiadol (RhGDE)
wybod i'r Pwyllgor am weithredu deddfwriaeth ID Pleidleiswyr,
rhaglen allgymorth gymunedol, a chyfathrebu wedi'i gynllunio ar
gyfer 2024. Gwnaeth hefyd drafod heriau’n gysylltiedig
â phleidleiswyr absennol a phrosesu ceisiadau, gan dynnu sylw
at yr angen am ddull rheoli ar sail risg. Yn ogystal, soniodd RhGDE
am y trafodaethau parhaus gyda Llywodraethau Cymru a'r DU, a'r
defnydd posibl o gyllid grant ar gyfer staff
ychwanegol.
- Gofynnodd y Pwyllgor am yr amser ychwanegol
a roddwyd i swyddogion yn y gorsafoedd pleidleisio i reoli ID
Pleidleiswyr. Rhoddodd RhGDE wybod am recriwtio staff ychwanegol i
reoli dyletswyddau newydd, gan gynnwys cipio data a sicrhau bod
staff profiadol yn cael eu lleoli mewn gorsafoedd pleidleisio.
Pwysleisiodd y Pwyllgor bwysigrwydd sicrhau bod cymaint o
bleidleiswyr â phosibl yn cymryd rhan.
- Gofynnodd y Pwyllgor am reoli newidiadau
ffiniau yng Ngorllewin Casnewydd a'r cytundeb gyda Chyngor
Bwrdeistref Sirol Caerffili (CBSC). Trafododd RhGDE gydweithio
â CBSC i adlewyrchu'r ffiniau newydd a'r ymdrechion parhaus i
liniaru problemau posibl.
- Gofynnodd y Pwyllgor am yr orsaf bleidleisio
yn Islwyn ac a fydd CBSC yn ei rheoli. Cadarnhaodd RhGDE y defnydd
o'r un orsaf bleidleisio a staff ag o'r blaen, a thrafododd y
posibilrwydd o reoli pleidleisiau rhwng Casnewydd a
Chaerffili.
- Gofynnodd y Pwyllgor am y mathau o brawf
adnabod a oedd yn cael eu derbyn os nad oedd gan drigolion basbort
neu drwydded yrru. Dywedodd RhGDE fod 24 o fathau o brawf adnabod
yn cael eu derbyn a bod opsiwn i drigolion gael Tystysgrif Awdurdod
Pleidleiswyr trwy ffurflen ar-lein, gyda chymorth ar gael os oes
angen.
- Mynegodd y Pwyllgor bryderon ynghylch costau
ychwanegol posibl a difaterwch pleidleiswyr os cynhelir etholiad
cyffredinol ac etholiad Comisiynydd Heddlu a Throseddu ar wahanol
adegau. Esboniodd RhGDE fod y gyllideb ar gyfer etholiadau yn cael
ei gosod gan Lywodraeth y DU a bod cynlluniau ar waith i'r ddau
etholiad gael eu cynnal gyda'i gilydd neu ar
wahân.
- Gofynnodd y Pwyllgor am yr angen parhaus am
staff achlysurol yn y Gwasanaeth Cofrestru a thynnodd sylw at
bryderon am yr adolygiad presennol. Trafododd Pennaeth y Gyfraith a
Safonau yr adolygiad parhaus a'r heriau o ran rheoli staff
achlysurol.
- Tynnodd y Pwyllgor sylw at orwariant o
£65,000 a gofynnodd am effaith hyn ar y Cyngor. Esboniodd
Pennaeth y Gyfraith a Safonau y gorwariant oherwydd cost gweithwyr
locwm a recriwtio cyfreithwyr dan hyfforddiant i fynd i'r afael
â'r mater yn yr hirdymor. Trafododd hefyd lefelau uchel o
salwch staff a heriau recriwtio.
- Gofynnodd y Pwyllgor am y cyfraddau cadw ar
gyfer hyfforddeion a'r prentisiaethau a gynigir. Trafododd Pennaeth
y Gyfraith a Safonau yr anhawster o ran cadarnhau cyfraddau cadw a
nifer y prentisiaethau a oedd ar gael ar gyfer Cymorth
Paragyfreithiol a Gweinyddu Corfforaethol, gan dynnu sylw at y
newidiadau yn y modd yr oedd cyfreithwyr yn dod yn
gymwys.
Diolchodd y Pwyllgor i'r swyddogion am fod
yn bresennol.
Pobl, Polisi a Thrawsnewid
Gwahoddedigion:
-
Tracy McKim (Pennaeth Pobl, Polisi a Thrawsnewid)
- Janice
Dent (Rheolwr Polisi a Phartneriaeth)
- Mark
Bleazard (Rheolwr y Gwasanaethau Digidol)
- Kevin
Howells (Rheolwr AD a DS)
-
Rhys Cornwall (Cyfarwyddwr Strategol Trawsnewid a
Chorfforaethol)
Rhoddodd y Pennaeth Pobl, Polisi a
Thrawsnewid drosolwg o’r adroddiad i’r
Pwyllgor.
Trafodwyd y canlynol:
- Gofynnodd y Pwyllgor am fynediad teg a
chyfartal at wasanaethau i drigolion nad ydynt yn gallu defnyddio
TG neu nad oes ganddynt fynediad ati. Amlygodd y Pennaeth Pobl,
Polisi a Thrawsnewid (PPTh) gynnwys themâu cydraddoldeb yn y
Cynllun Pobl a chynhwysiant digidol yn y Cynllun Digidol. Trafododd
Rheolwr y Gwasanaethau Digidol (RhGD) y gwasanaethau digidol a
gynigir i sicrhau cydraddoldeb digidol a dileu anfanteision i
drigolion.
- Gofynnodd y Pwyllgor am y cynllun
Cyfrifiaduron Ddim yn Brathu a'i weithredu. Nododd RhGD fod y
cynllun yn cael ei weithredu ar hyn o bryd fel rhan o ddysgu
oedolion yn y gymuned a'i fod yn canolbwyntio ar gyfeirio at
grwpiau a chymunedau penodol. Trafododd y Rheolwr Polisi a
Phartneriaeth ymdrechion yn ymwneud â gwneud Casnewydd yn
rhanbarth Marmot a'r ymrwymiad i droi polisïau'n gamau
gweithredu, gan gynnwys sefydlu gr?p gwrthdlodi.
- Nododd y Pwyllgor ffigurau salwch ac
absenoldeb llai ar ôl newidiadau polisi a gofynnodd am
effeithiolrwydd yr addasiadau polisi. Trafododd y Pennaeth PPTh
a’r Rheolwr AD a DS y ffaith bod y newidiadau polisi,
ymgysylltu parhaus â rheolwyr, a chynlluniau ar gyfer
addasiadau pellach i'r Polisi Lles yn y Gwaith wedi’u
croesawu’n gadarnhaol. Pwysleisiodd y Pwyllgor bwysigrwydd
rhyngweithio cadarnhaol â staff.
- Gofynnodd y Pwyllgor am y ddemograffeg profi
defnyddwyr ar gyfer dyluniad y wefan gorfforaethol newydd.
Trafododd y Rheolwr Polisi a Phartneriaeth ymdrechion i sicrhau
tegwch a chynhwysiant wrth brofi defnyddwyr a'r ffocws ar wneud i'r
wefan weithio ar draws dyfeisiau amrywiol. Tynnodd y Pennaeth PPTh
sylw at y newidiadau sydd ar ddod i'r wefan, gan anelu at ddyluniad
symlach a hawdd ei uwchraddio.
- Tynnodd y Pwyllgor sylw at atebion dyblyg yn
yr adroddiad a gofynnodd am eglurhad. Cydnabu’r Rheolwr
Polisi a Phartneriaeth y diofalwch a gwnaeth ymrwymo i ddiwygio'r
adroddiad. Eglurodd y Pennaeth PPTh y gwahaniaethau rhwng y
pwyntiau a sicrhaodd y bydd cywiriadau'n cael eu
gwneud.
- Nododd y Pwyllgor ddyddiad cau i Gasnewydd
ddod yn ddinas cyflog byw a'i statws cwblhau presennol, a gofynnodd
am fwrw’r targed. Esboniodd y Pennaeth PPTh gymhlethdod y
gwaith a'r angen i ddiwygio'r adroddiad, gan na fydd y targed yn
cael ei fwrw erbyn y dyddiad cau penodedig.
- Gofynnodd y Pwyllgor am y Rhaglen Cyllidebu
Cyfranogol newydd. Esboniodd y Pennaeth PPTh fod arian yn cael ei
ddosbarthu ledled y gymuned drwy grwpiau llywio ar wahân a
soniodd am brosiectau blaenorol a ariannwyd gan wahanol
ffynonellau, gan gynnwys y Swyddfa Gartref, y Cyngor, a Llywodraeth
Cymru.
Diolchodd y Pwyllgor i'r swyddogion am fod
yn bresennol.
Adfywio a Datblygu Economaidd
Gwahoddedigion:
- Y
Cynghorydd James Clarke (Yr Aelod Cabinet dros Gynllunio Strategol,
Rheoleiddio a Thai)
- Tracey
Brooks (Pennaeth Adfywio a Datblygu Economaidd)
- Andrew
Ferguson (Rheolwr Cynllunio a Datblygu)
-
Matthew Tribbeck (Rheolwr Adfywio a Lleoedd)
-
Alastair Shankland (Rheolwr Datblygu Economaidd
Strategol)
-
Rhys Cornwall (Cyfarwyddwr Strategol Trawsnewid a
Chorfforaethol)
Cyflwynodd yr Aelod Cabinet dros Gynllunio
Strategol, Rheoleiddio a Thai yr adroddiad, a rhoddodd y Pennaeth
Adfywio a Datblygu Economaidd drosolwg.
Trafodwyd y canlynol:
- Gofynnodd y Pwyllgor am yr oedi o ran
Canolfan Ymwelwyr y Bont Gludo a’r effaith ar y gyllideb.
Cydnabu'r Pennaeth Adfywio a Datblygu Economaidd (ADE) gymhlethdod
y prosiect a'r heriau a oedd yn cael eu hwynebu. Mynegodd ffydd o
ran cyflawni o fewn yr amserlen a amlinellwyd a dywedodd fod y
gyllideb yn esblygu wrth i'r gwaith fynd rhagddo.
- Gofynnodd y Pwyllgor am yr iawndal penodedig
yn y contract ar gyfer prosiect y Bont Gludo. Esboniodd y Rheolwr
Adfywio a Lleoedd mai'r brif oedi oherwydd y Bont Gludo ei hun, ac
nad yw darpariaethau'r contract wedi cael eu heffeithio. Trafododd
y gwahanol fframwaith monitro a oedd ei angen a darpariaethau
mewnol ar gyfer heriau.
- Gofynnodd y Pwyllgor am yr angen posibl i
atal gwaith ar y Ganolfan Ymwelwyr pe bai synwyryddion y bont yn
cael eu sbarduno. Cadarnhaodd y Rheolwr Adfywio a Lleoedd y byddai
rheoliadau iechyd a diogelwch yn ei gwneud yn ofynnol i’r
holl waith ddod i ben mewn sefyllfa o'r fath.
- Gofynnodd y Pwyllgor am estyniad wrth gefn
i'r dyddiad cwblhau. Dywedodd y Rheolwr Adfywio a Lleoedd fod
Newport Norse yn adolygu cynllun y
prosiect i ddarparu dyddiad cwblhau newydd.
- Gofynnodd y Pwyllgor am gyllid ychwanegol y
gofynnwyd amdano ar gyfer hen adeilad yr IAC ac a fyddai'r Cyngor
yn ei roi. Esboniodd y Pennaeth ADE fod y datblygwr yn amharod i
gwblhau gwaith mewnol nes bod meddiannydd yn ei le, a bydd y Cyngor
yn ysgwyddo unrhyw gostau ychwanegol.
- Gofynnodd y Pwyllgor am ganran y
feddiannaeth y mae datblygwyr yn ei cheisio cyn cwblhau gwaith a
mynegodd siom yn y diffyg gwybodaeth. Dywedodd y Pennaeth ADE ei
fod yn benderfyniad masnachol sy'n destun contract.
- Gofynnodd y Pwyllgor am ddiddordeb yn
adeilad yr IAC ar ôl Covid a'r amserlen i fusnes ei
feddiannu. Ar hyn o bryd, nid oes amserlen gan fod y farchnad wedi
newid a chan fod gweithluoedd wedi addasu i weithio’n hybrid.
Tynnodd y Pwyllgor sylw at delerau benthyciad y datblygwr gan y
Cyngor a chafodd sicrwydd nad oes unrhyw bryderon ynghylch colli
arian, heb unrhyw ad-daliadau nes cwblhau'r prosiect. Gofynnodd y
Pwyllgor am gymryd yr adeilad yn ôl os na wneir taliadau ar
ôl amser penodol. Esboniodd y Pennaeth ADE y byddai'n cael ei
ddwyn gerbron y Cabinet pe bai angen.
- Gofynnodd y Pwyllgor am gynlluniau wrth gefn
ar gyfer cyfranogwyr na allent gymryd rhan wirioneddol yn Rhaglen
Ailddechrau'r Adran Gwaith a Phensiynau. Esboniodd y Pennaeth ADE
ffocws y rhaglen a’i phrofiad o weithio gyda chyfranogwyr nad
oeddent yn ymgysylltu.
- Gofynnodd y Pwyllgor a oes gan y Cyngor
unrhyw ddeddfwriaeth neu fesurau ar waith i sicrhau bod datblygwyr
a thirfeddianwyr yn gwneud gwaith angenrheidiol ar adeiladau
sy’n dirywio yng Nghasnewydd o fewn amserlen benodol.
Dywedodd y Pennaeth ADE fod hysbysiadau cwblhau ar gael y gellir eu
cyhoeddi i osod disgwyliad o ran cwblhau.
- Gofynnodd y Pwyllgor am gynnydd y Sefydliad
Technoleg Rhyngwladol ac unrhyw ddiweddariadau ynghylch ei
weithredu. Rhannodd y Pennaeth ADE ei fod wedi bod wrthi'n ystyried
y cyfleoedd posibl y byddai'r sefydliad hwn yn eu cynnig i
Gasnewydd. Roedd cyfarfod hefyd wedi'i gynnal gyda Llywodraeth
Cymru i drafod gwneud y mwyaf o'i fanteision.
- Pwysleisiodd y Pwyllgor bwysigrwydd bodloni
anghenion dinasyddion trwy ddarparu cyfleusterau dymunol yng
Nghasnewydd. Esboniodd y Rheolwr Datblygu Economaidd Strategol y
byddai'r amcan hwn yn cyd-fynd â'r Cynlluniau Creu Lleoedd a
Diwylliannol. Pwysleisiodd yr Aelod Cabinet fod cyfle
hir-ddisgwyliedig wrth law a phwysleisiodd arwyddocâd mynd
i’r afael ag ef yn gywir i greu etifeddiaeth barhaol i
Gasnewydd.
- Awgrymodd y Pwyllgor gydweithio â'r
sector Addysg i gynnig cyfleoedd i fyfyrwyr brofi datblygiadau
uwch-dechnoleg. Tynnodd yr Aelod Cabinet sylw at yr angen i rannu
gwybodaeth i gadw pobl ifanc yng Nghasnewydd a soniodd am
bwysigrwydd uwchsgilio ac ailsgilio. Cydnabu’r Rheolwr
Datblygu Economaidd Strategol y posibilrwydd o ddefnyddio adnoddau
fel Coleg Gwent a Phrifddinas-Ranbarth Caerdydd.
- Gofynnodd y Pwyllgor am gymorth y Cyngor ar
gyfer prentisiaethau a sut mae busnesau eraill yn cael cymorth.
Esboniodd y Pennaeth ADE fod y Gronfa Ffyniant Gyffredin yn chwarae
rhan sylweddol wrth ddarparu lleoliadau 12-18 mis ar gyfer
prentisiaid. Nododd hefyd yr ymateb cadarnhaol a gafwyd ar gyfer y
21 swydd a oedd ar gael i brentisiaid, a fyddai’n dechrau yn
ystod yr wythnosau nesaf. Yn ogystal, trafododd y Pennaeth ADE y
cymorth a oedd ar gael i raddedigion, israddedigion, ac ystyried
cymorth ôl-raddedig. Dywedodd y Pwyllgor y dylid rhoi
blaenoriaeth i brentisiaethau os mai nhw sydd fwyaf addas ar gyfer
rôl. Soniodd y Rheolwr Datblygu Economaidd Strategol am y
cynllun Dechrau Cyflym, cynllun gan yr Adran Gwaith a Phensiynau yn
wreiddiol, sy'n paru ymgeiswyr â swyddi gwag.
- Llongyfarchodd y Pwyllgor y Tîm Rheoli
Adeiladau am gael ei enwebu am wobr.
Diolchodd y Pwyllgor i'r swyddogion am fod
yn bresennol.
Casgliadau
Cyllid
- Mae'r
Pwyllgor wedi gofyn am gael data ar nifer yr unigolion sy'n
defnyddio gwasanaethau ar-lein.
-
Mynegodd y Pwyllgor bryder ynghylch yr amseroedd aros presennol ar
gyfer galwadau yng Nghanolfan Gyswllt y Ddinas a phwysleisiodd yr
angen am welliant.
- Roedd
y Pwyllgor yn falch o weld lefel y cymorth a'r ymgysylltu a oedd yn
cael eu rhoi gan y gwasanaeth i gefnogi unigolion a oedd yn wynebu
anawsterau wrth dalu eu Treth Gyngor.
-
Awgrymodd y Pwyllgor gynyddu ymwybyddiaeth ymhlith trigolion am yr
opsiwn i dalu’r Dreth Gyngor ar sail 12 mis, gan dargedu
cwsmeriaid Debyd Uniongyrchol presennol yn benodol. Gwnaeth
argymell naill ai cynnwys taflen wybodaeth ychwanegol yn y bil
papur blynyddol neu dynnu sylw at y wybodaeth hon yn fwy amlwg yn y
bil papur ei hun.
Y Gyfraith a Safonau
-
Mynegodd y Pwyllgor foddhad ar ddysgu bod y gwasanaeth wedi sefydlu
rolau prentisiaeth o fewn y tîm Cyfreithiol, gan gydnabod yr
heriau a oedd yn gysylltiedig â recriwtio yn y maes penodol
hwn.
-
Gofynnodd y Pwyllgor am amserlen yn amlinellu'r camau gweithredu
arfaethedig gan y gwasanaeth i godi ymwybyddiaeth o ddiwygio
etholiadol. Gofynnodd yn benodol am yr ymgyrch gyfathrebu a’r
amseru o ran ei dosbarthu.
Pobl, Polisi a Thrawsnewid
-
Gofynnodd y Pwyllgor am y wybodaeth ddiweddaraf am yr adolygiad
polisi salwch a adroddwyd yn yr adroddiadau diwedd blwyddyn ym mis
Gorffennaf 2023. Cadarnhaodd y swyddogion fod yr adolygiad yn
parhau gyda rhai diwygiadau i'r polisi yn debygol o gael eu cynnig
ynghylch newidiadau i derminoleg a sbardunau salwch, ac yn dilyn
hynny bydd trafodaethau'n cael eu cynnal gyda'r undebau. Croesawodd
y Pwyllgor y newidiadau arfaethedig hyn a gofynnodd am i'r
newidiadau hyn gael eu cynnwys yng nghynllun gwaith y gwasanaeth ar
gyfer yr adolygiadau Diwedd Blwyddyn.
-
Gofynnodd y Pwyllgor a ystyriwyd amrywiaeth wrth brofi'r wefan
gorfforaethol newydd. Gofynnodd hefyd am wybodaeth am ba gymunedau
a oedd yn wynebu'r heriau mwyaf yn ystod y broses brofi.
-
Gofynnodd y Pwyllgor am i wybodaeth am y cyllidebu cyfranogol gael
ei hanfon.
-
Gofynnodd y Pwyllgor a ellid diwygio’r ateb dyblyg ar dudalen
69 Cyfeirnod 1, a thudalen 71 Cyfeirnod 4.
Adfywio a Datblygu Economaidd
-
Mynegodd y Pwyllgor ddiddordeb mewn gwybod dyddiad cwblhau Canolfan
Ymwelwyr y Bont Gludo. Yn ogystal, gwnaeth fynegi pryder am
bersbectif diogelwch y gwaith parhaus, yn enwedig yn achos rhybudd
diogelwch yn arwain at orfod atal gwaith dros dro ger y Bont Gludo
a'r Bont ei hun. Gofynnodd y Pwyllgor am y mesurau a gymerwyd i
sicrhau diogelwch adeiladau eraill a cherbydau yn yr ardal yn ystod
sefyllfaoedd o'r fath.
-
Gofynnodd y Pwyllgor i'r Cyngor ymgysylltu â gwestai a
chyfleusterau mwy yn yr ardal i'w hannog i arddangos atyniadau
Casnewydd ar eu gwefannau, gyda'r nod o roi mynediad hawdd i
drigolion Casnewydd ac ymwelwyr â Chasnewydd at wybodaeth am
yr hyn sy'n digwydd yng Nghasnewydd a'r ardaloedd
cyfagos.
-
Dymunodd y Pwyllgor y gorau i'r Tîm Rheoli Adeiladau wrth
iddo fynd i Lundain am wobr.
-
Mynegodd y Pwyllgor bryder ynghylch adeilad yr IAC ar Mill Street
a'r potensial i'r adeilad aros yn wag. Hoffai'r Pwyllgor ofyn am
sicrwydd bod y Cyngor yn ymgysylltu â'r datblygwr i sicrhau
bod tenantiaid yn cael eu canfod ar gyfer y safle. Mynegwyd pryder
hefyd am dwf clymog ar y safle.