Agenda item

Cyflwynodd yr Arweinydd yr adroddiad i’r Cabinet.

Yr oedd adroddiad Diogelu Blynyddol 2020/21 yn rhoi sicrwydd i’r Cyngor fod gan ei holl adrannau safonau clir i ymdrin â diogelwch. Cwblhawyd archwiliad hunanasesu diogelwch yn 2020 gan bob adran ac yr oedd yn dystiolaeth o ddeall fod diogelwch yn fater i ni i gyd o ran polisi ac arferion, amgylchedd a diwylliant y cyngor.

Parhaodd y tîm diogelu i weithio gyda phob adran ar draws y cyngor i ddatblygu ymhellach y camau allweddol a nodwyd yn yr archwiliad.

Trwy gydol blwyddyn anodd y pandemig a’i effaith ar gyflwyno gwasanaethau, rhoddwyd sicrwydd i’r Cabinet fod arferion diogelu plant ac oedolion yn dal i gael eu cyflwyno ar draws holl swyddogaethau statudol y gwasanaethau cymdeithasol. Gwnaed asesiadau wyneb yn wyneb gyda theuluoedd a dinasyddion o ran diogelu yn y fan a’r lle trwy ddefnyddio PPE lle’r oedd angen, a chadw at yr holl gyfyngiadau. Yr oedd angen rheoli crefftus ar y gwasanaethau rheng-flaen er mwyn gwneud yn si?r fod y Cyngor yn dal i warchod a diogelu ein dinasyddion mwyaf bregus a sicrhau bod ymyriad cynnar ar gael rhag i bethau waethygu mewn teuluoedd a chymunedau.

The cyngor recognised the impact of the pandemig on the workforce resources and the continued pressure within front-line gwasanaethau to deliver safe and accessible gwasanaethau. It was therefore crucial that the whole Cyngor was an informed workforce that recognised diogelu issues in the community and act accordingly.

Yr oedd y sicrwydd a roddwyd yn yr archwiliad diogelu yn waelodlin i’r Cyngor o ran y modd y cyflwynodd yr ymrwymiad fod ‘diogelu yn fater i ni i gyd’ ar draws y Cyngor. Yr oedd hyn felly yn gostwng lefel y risg i’r Cyngor, ond penderfynwyd peidio â gostwng lefel y risg ar y Gofrestr Risg ar hyn o bryd oherwydd effaith y pandemig ar y gweithlu a’r effeithiau posib ar draws gwasanaethau’r cyngor.

Yr oedd y paratoadau am newid mewn deddfwriaeth yn cadw at y targed wrth i’r Cyngor baratoi i newid ei arferion yn sgil symud o Gamau Diogelu Amddifadu o Ryddid i Gamau diogelu Rhyddid (newidiadau i Ddeddf Galluedd Meddyliol).  Byddai hyn yn digwydd yn awr yn 2022, fel rhan o’r strategaeth hyfforddi a nodwyd, yn fewnol ac fel rhan o’r consortiwm rhanbarthol ehangach. Byddai mwy o hyfforddiant yn digwydd ar y ddeddfwriaeth/arferion newydd i gynyddu gwybodaeth a sgiliau, a nodwyd hyn yn glir yn y Cynllun Gwaith Corfforaethol Blynyddol (2021/2022) ac yng nghynlluniau blaenoriaeth gwasanaethau cymdeithasol plant ac oedolion yn benodol am hyfforddiant ar y rheoliadau a’r ddeddfwriaeth newydd.

Yr oedd sganio sgiliau a hyfforddiant diogelu addas i bob rôl yn y Cyngor, boed fel Aelod, gweithiwr neu wirfoddolwr yn golygu y byddai pob swydd yn cael ei hadolygu gan yr adran diogelu a hyfforddiant, ac y byddai’r gwiriadau fyddai eu hangen am y rôl honno yn cael eu ‘neilltuo’ a’u hadolygu gan y rheolwr llinell priodol yn rheolaidd. Nodwyd y gwaith hwn ar y Cynllun Gwaith (2021/ 2022).

Fel yr amlygwyd i’r Aelodau, yr oedd risg i’r Cyngor o ran y perfformiad ar gyfer hyfforddiant gorfodol lle gellid dirwyo/cymryd camau rheoleiddio yng nghyswllt hyfforddiant diogelu, yn benodol Deddf Trais yn erbyn Menywod, Camdriniaeth Ddomestig a Thrais Rhywiol (VAWDASV) 2015, er bod ffactorau lliniaru yn effeithio ar berfformiad yn ystod 2020/21

Argymhellwyd felly i’r Aelodau fod y Cabinet yn cadarnhau’r cynllun gwaith Diogelu Corfforaethol gan gyfeirio yn benodol at yr isod:

1.      Pobl a Newid Busnes oedd yn parhau i fabwysiadu dulliau newydd o weithio o ran cynllunio blaenoriaethau i rai oedd yn dechrau gweithio i’r awdurdod a’r gweithwyr presennol (gan gynnwys gwirfoddolwyr) i gwblhau hyfforddiant gorfodol er mwyn gwella cyfraddau cydymffurfio.

2.      Gofyniad Llywodraeth Cymru am hyfforddiant gorfodol ar Ddeddf Trais yn erbyn Menywod, Camdriniaeth Ddomestig a Thrais Rhywiol (VAWDASV) 2015, oedd yn mynnu fod y Cyngor yn cwblhau’r Fframwaith Hyfforddiant Cenedlaethol i holl swyddogion, Aelodau a gwirfoddolwyr y Cyngor.

3.      Byddai gwella wrth gwblhau’r cyrsiau gorfodol hyn yn sicrhau na fyddai Cyngor Dinas Casnewydd yn gorfod talu dirwyon na dioddef camau rheoleiddio gan gyrff llywodraethol.

Diolchodd yr Arweinydd i Mary Ryan am ei gwaith caled ar yr adroddiad.

Sylwadau Aelodau’r Cabinet:

Adleisiodd y Cynghorydd Cockeram y sylwadau a diolchodd Mary Ryan am ei stiwardiaeth o’r adroddiad hwn.  Yr oedd arferion da ar waith yn yr hwb diogelu, gyda’r heddlu ac iechyd. Yr oedd gwaith partneriaeth yn mynd yn dda, a chwnselydd Mind ar gael i gefnogi plant yn ystod Covid.  Yn olaf, yr oedd gennym ddyletswydd i’r cyhoedd i adrodd am unrhyw gamdriniaeth yr oeddem yn dyst iddo.

Cytunodd y Cynghorydd Rahman fod dyletswydd ar y cyngor i sicrhau bod y gymuned yn ddiogel. Fel llywodraethwr ysgol, diolchodd i Gyngor Dinas Casnewydd am eu hyfforddiant diogelu, ac amlygodd hefyd y sylwadau gan y Pwyllgor Craffu, oedd yn diolch i’r tîm diogelu. Byddai’r Cabinet yn cefnogi’r tîm diogelu yn eu gwaith ac yn gwrando ac yn barod i’w cefnogi.

Penderfyniad:

Derbyniodd y Cabinet gynllun diogelu corfforaethol y Cyngor am 2021/22 a sylwadau’r Pwyllgor Trosolwg a Rheoli Craffu.