Cofnodion:
Dywedodd Rheolwr y Gwasanaethau Democrataidd wrth y pwyllgor fod adborth wedi'i gyflwyno i'r Pwyllgor Gwasanaethau Democrataidd gydag argymhellion i gael adborth. Dywedodd Rheolwr y Gwasanaethau Democrataidd mai gofynion yr arolwg ymadael yw deall profiad Aelod a nodi unrhyw gyfleoedd i gynnig gwell cefnogaeth. Nododd Rheolwr y Gwasanaethau Democrataidd fod hyn yn gysylltiedig â'r strategaeth cyfranogiad. Dywedodd Rheolwr y Gwasanaethau Democrataidd mai'r prif heriau oedd bod llawer o feysydd cyffredin yn y cwestiynau a ofynnwyd, blinder arolwg ymysg yr Aelodau a chyfraddau ymateb. Dywedodd Rheolwr y Gwasanaethau Democrataidd wrth y pwyllgor fod y Pwyllgor Gwasanaethau Democrataidd yn cytuno â'r arolygon hyn ac yn argymell cyfuno arolygon mewnol. Dywedodd Rheolwr y Gwasanaethau Democrataidd wrth y pwyllgor fod y Pwyllgor Gwasanaethau Democrataidd yn teimlo efallai na fyddai'n ddefnyddiol gofyn cwestiynau i'r Aelodau ynghylch eu cyfnodau sefydlu a gynhaliwyd 5 mlynedd yn ôl ac y byddai’n well canolbwyntio ar hyfforddiant diweddar yn lle hynny.
Nododd Rheolwr y Gwasanaethau Democrataidd y byddai'r arolwg ymgeiswyr yn fyw o 28 Mawrth 2022 ac yna byddai arolwg terfynol yn cael ei lunio yng nghyfarfod nesaf y Pwyllgor Gwasanaethau Democrataidd. Dywedodd Mr Watkins nad oedd cwestiynau yn ymwneud â phresenoldeb o bell a gofynnodd a fyddai cynnwys hyn yn briodol i Aelodau newydd. Gofynnodd Mr Watkins a fyddai cwestiwn yngl?n â hyfforddiant penodol i'r Aelodau yn fuddiol. Daeth Mr Watkins i ben drwy ychwanegu bod cyfraddau ymateb yn rhywbeth y gellid edrych arnynt.
· Dywedodd Pennaeth y Gyfraith a Safonau wrth y pwyllgor, gan fod cyfarfodydd hybrid yn ofyniad deddfwriaethol ac y byddai gan yr Aelodau ddewis, na fyddai angen cael barn yr Aelodau ar hyn. Cytunodd Mrs Nurton y byddai blinder ymysg yr Aelodau’n broblem a gofynnodd a fyddai'r arolygon hyn yn cael eu dosbarthu'n electronig.
· Cadarnhaodd Rheolwr y Gwasanaethau Democrataidd y byddent yn cael eu rhannu'n electronig ac yn ddwyieithog i'r Aelodau eu llenwi pryd bynnag y gallent. Gofynnodd Pennaeth y Gyfraith a Safonau am farn y pwyllgor ar gael un arolwg ymadael sy'n cyfuno'r holl gwestiynau.
· Dywedodd y Cynghorydd Wilcox ei bod yn credu ei fod yn syniad ardderchog.
· Teimlai’r Cadeirydd, cyn belled na fyddai’r arolwg yn rhy hir, y byddai'n syniad da.
· Cytunodd Mr Watkins y byddai un holiadur yn ddigonol cyn belled nad oedd yn rhy feichus.
· Cytunodd y pwyllgor i gyfuno'r arolygon. Gofynnodd Pennaeth y Gyfraith a Safonau a oedd y pwyllgor yn fodlon ar y cwestiynau a awgrymwyd gan Mrs Nurton.
· Teimlai Dr Morgan y gallai fod yn ddefnyddiol ychwanegu rhywfaint o arweiniad at yr holiadur yn yr adran sylwadau agored i'r Aelodau gynnwys cyfeiriad i’r adran y mae eu sylw yn ymwneud â hi. Teimlai Dr Morgan hefyd y dylid ychwanegu rhywbeth yngl?n â fformat a chynnwys yr hyfforddiant a ddarperir. Gofynnodd Rheolwr y Gwasanaethau Democrataidd a oedd y pwyllgor yn teimlo y byddai'n ddefnyddiol gofyn cwestiwn tebyg ar ôl yr etholiadau sydd i ddod yn seiliedig ar hyfforddiant sefydlu.
· Dywedodd Pennaeth y Gyfraith a Safonau wrth y pwyllgor y byddai holiadur hyfforddiant fel arfer i'r Aelodau ei lenwi ar ôl iddynt gwblhau eu hyfforddiant i roi adborth. Ychwanegodd Dr Worthington ei bod yn ymddangos bod yr holiadur wedi'i anelu at yr Aelodau sydd eisoes yn eu swyddi yn hytrach nag Aelodau newydd, felly dylid ystyried sut y caiff yr holiaduron eu dosbarthu.
· Dywedodd Rheolwr y Gwasanaethau Democrataidd wrth y pwyllgor y byddent yn cyfuno'r arolygon i’w dosbarthu dros y mis nesaf.
· Dywedodd Pennaeth y Gyfraith a Safonau wrth y pwyllgor fod yr arolwg hwn ar gyfer yr Aelodau presennol nad oeddent yn ailsefyll mewn etholiad ac y byddai Aelodau newydd yn cael holiadur hyfforddiant.
· Roedd y Cadeirydd a'r pwyllgor yn fodlon ar hyn.