Cofnodion:
Gwahoddwyd:
Mary Ryan – Pennaeth y Gwasanaethau Oedolion
Cynghorydd Stephen Marshall – Aelod Cabinet dros Wasanaethau Cymdeithasol
Cynghorydd Jason Hughes – Aelod Cabinet dros Wasanaethau Cymdeithasol
Cyflwynodd yr Aelod Cabinet dros Wasanaethau Cymdeithasol yr adroddiad. Diolchodd yr Aelod Cabinet dros Wasanaethau Cymdeithasol y staff am eu gwaith a’u gwytnwch.
Cyflwynodd Pennaeth y Gwasanaethau Oedolion yr adroddiad.
Roedd Pennaeth y Gwasanaethau Oedolion yn teimlo’n bositif ar waetha’r pwysau cynyddol. Hysbysodd y pwyllgor fod problemau gyda staffio, ac roedd yn bwysig felly cadw hyn mewn cof wrth gyflwyno gwasanaethau er mwyn sicrhau bod y mwyaf bregus yn cael help.
Dywedodd Pennaeth y Gwasanaethau Oedolion ei bod yn bwysig sicrhau fod pobl yn cael eu cadw allan o’r ysbytai yn ystod y gaeaf lle bo modd, a’u bod yn ddiogel ac yn derbyn gofal yn eu cartrefi. Hysbysodd Pennaeth y Gwasanaethau Oedolion y pwyllgor fod hyn yn cael ei wneud trwy ddefnyddio arian i ganolbwyntio ar ofalwyr sy’n cefnogi pobl yn y gymuned.
Hysbysodd Pennaeth y
Gwasanaethau Oedolion y pwyllgor am yr achrediad a enillodd Casnewydd fel Dinas Pobl H?n.
Cwestiynau:
Gofynnodd y pwyllgor a oedd dyddiad ar gyfer cychwyn datblygu gwasanaeth penodi rhanbarthol.
·
Hysbysodd Pennaeth y Gwasanaethau Oedolion y
pwyllgor y buont yn cydweithio’n agos gyda Chaerffili, a bod
y gwasanaeth penodi bron yn talu amdano’i hun. Mae cynllun
dirprwyon ar gael hefyd sy’n helpu i wneud yn si?r fod arian
yn cael ei ddefnyddio’n ddoeth, a bod y rhai sydd angen
dirprwyon wedi cael eu rheoli gan Gaerffili, a’r penodi
fyddai’r cam nesaf. Cadarnhaodd Pennaeth y Gwasanaethau
Oedolion eu bod yn fodlon gyda’r bartneriaeth gyda
Chaerffili, a bod angen i’r cynllun dyfu. Esboniodd Pennaeth
y Gwasanaethau Oedolion nad oedd amserlen o ran cael gwasanaeth
rhanbarthol oherwydd bod y gwaith yn dal ymlaen.
Gofynnodd y pwyllgor am esboniad o benodi ac o ddirprwyo.
·
Esboniodd Pennaeth y Gwasanaethau Oedolion fod
gwasanaeth penodi yn wasanaeth a gyflenwir gan y cyngor i
helpu’r sawl nad oedd yn gallu rheoli eu harian eu hunain
trwy roi lwfansau iddynt a’u cefnogi i reoli eu harian eu
hunain. Esboniodd fod gwasanaeth dirprwyo yn ymdrin â’r
sawl oedd â chryn swm o arian er mwyn sicrhau eu bod yn
edrych ar ei ôl yn gywir ac yn y ffordd fwyaf effeithiol fel
ffurf ar ddiogelu.
Holodd y pwyllgor beth oedd yn cael ei wneud i ymdrin â phrinder staff a llai o allu mewn gofal cartref.
·
Hysbysodd Pennaeth y Gwasanaethau Oedolion y
pwyllgor y cymerwyd rhan mewn grwpiau panel oedd yn edrych i weld
beth ellid ei wneud ar bob lefel. Hysbysodd y pwyllgor fod
Casnewydd yn rhoi ei gwasanaethau cartref allan i ddarparwyr
eraill, a’u bod mewn sefyllfa dda, yn gweithio gydag
amrywiaeth o ddarparwyr. Mynegodd Pennaeth y Gwasanaethau Oedolion
bryder am y dyfodol oherwydd bod llawer o ofalwyr yn gadael y
proffesiwn, a hyn yn creu prinder, heb sôn am yr angen i
sicrhau cysondeb i bobl sy’n derbyn gofal
Holodd y pwyllgor am grantiau a chyllid i ofalwyr megis grantiau i helpu gyda gwersi gyrru.
·
Cadarnhaodd Pennaeth y Gwasanaethau Oedolion fod
proses i ofalwyr dros 18 oed wneud cais am gymorth gyda gwersi
gyrru petai methu gyrru yn eu hatal rhag dilyn gyrfa mewn gofal, a
gellir edrych i mewn i hyn ar gyfer gofalwyr anffurfiol.
Gofynnodd y pwyllgor am esboniad am y tanwario.
·
Hysbysodd Pennaeth y Gwasanaethau Oedolion y
pwyllgor fod y rhesymau’n debyg i’r rhai gyda’r
Gwasanaethau Plant lle bu cyllid a grantiau ar gael yn ystod y
pandemig. Dywedodd eu bod yn dal i weld sut i ddwyn y tanwariant
hwnnw ymlaen.
Gofynnodd y pwyllgor sut y byddai’r diffyg twf mewn gwasanaeth penodi rhanbarthol yn cael effaith ar y gwasanaeth at y dyfodol.
·
Esboniodd Pennaeth y Gwasanaethau Oedolion, am y
buont yn gweithio mewn model hybrid gyda Chaerffili lle maent wedi
cymryd peth o’r gwaith dirprwyo, dim ond dau oedd ar y rhestr
aros bellach. Cadarnhaodd y buasent yn parhau i weithio gyda
Chaerffili, ac mai’r broblem fwyaf yn y maes hwn oedd y
gwasanaeth taliadau uniongyrchol a chaniatáu i bobl allu
rheoli eu gofal eu hunain.
Gofynnodd y pwyllgor pryd y byddai integreiddio’r tîm llesgedd yn cael ei gwblhau.
·
Dywedodd Pennaeth y Gwasanaethau Oedolion fod gwaith
yn y maes hwn wedi cychwyn cyn Covid-19 a’i fod wedi symud yn
fwy i ysbytai wedyn. Mae cynnydd yn digwydd yn awr, a hysbysodd y
pwyllgor eu bod wedi ystyried hwb IAA yn y tîm llesgedd fel
bod modd darparu gofal cofleidiol yng nghyswllt llesgedd. Nododd y
dylai peth cynnydd ar hyn ddigwydd erbyn mis Rhagfyr.
Gofynnodd y pwyllgor a fyddai pobl yn gallu trefnu eu gofal eu hunain ac a fyddai gan y maes gwasanaeth wiriadau?
·
Esboniodd Pennaeth y Gwasanaethau Oedolion,
lle’r oedd angen am ofal, y byddid yn cynnal trafodaethau i
ddechrau i weld a allai’r teulu
roi’r gofal, gyda chymorth ariannol, cyn ystyried asiantaeth
gofal. Hysbysodd y pwyllgor nad oedd y trefniant hwn ar gael ym
mhob rhan o Gymru, gan nad yw rhai ardaloedd yn caniatáu i
daliadau fynd i aelodau’r teulu. Y nod oedd sicrhau system
deg a chyfartal o daliadau ledled y genedl. Nododd Pennaeth y
Gwasanaethau Oedolion nad taliad arunig fyddai hwn, ac y byddai
adolygiadau cyson yn digwydd.
Gofynnodd y pwyllgor am sicrwydd a chyfoesiad am gynlluniau Datblygu Cyfleoedd Dydd yn y Gwasanaeth Estyn Allan.
·
Dywedodd Pennaeth y Gwasanaethau Oedolion wrth y
pwyllgor fod llawer o ganolfannau wedi cau yn ystod y pandemig, ac
o’r herwydd fod modd gwneud gwaith i sicrhau bod y
ddarpariaeth yn cyd-fynd â gofynion defnyddwyr y gwasanaeth.
Hysbysodd Pennaeth y Gwasanaethau Oedolion y pwyllgor eu bod wedi
adolygu’r systemau ac wedi rhoi model hybrid ar
waith.
Gofynnodd y pwyllgor am sicrwydd eu bod yn gweithredu dan CDAR hyd nes y byddai’r Camau Diogelu Gwarchod Rhyddid yn dod i rym.
·
Cadarnhaodd Pennaeth y Gwasanaethau Oedolion y
byddai’r newid i CDGRh yn digwydd ymhen rhai blynyddoedd.
Hysbysodd y pwyllgor eu bod wedi defnyddio’r amser i sicrhau
hyfforddiant cyfoes am y Ddeddf Galluedd Meddyliol. Cynigiodd
Pennaeth y Gwasanaethau Oedolion drefnu sesiwn i’r pwyllgor
am y Ddeddf Galluedd Meddyliol a’r gwahaniaeth rhwng CDAR a
CDGRh. Holodd y pwyllgor am y diffyg symud a ddangosir yn eitem 1
ynghylch Ymyriad Cynnar ac Atal. Hysbysodd Pennaeth y Gwasanaethau
Oedolion y pwyllgor fod pwysau ar y gweithlu wedi lleihau’r
cyfleoedd am ddatblygu.
Gofynnodd y pwyllgor pa mor effeithiol fu Cartref yn Gyntaf o ran rhyddhau mwy o bobl o ysbytai.
·
Dywedodd Pennaeth y Gwasanaethau Oedolion y
defnyddir y model Gartref yn Gyntaf cyn i bobl fynd i’r
ysbyty er mwyn sicrhau fod gan bobl ofal priodol, ac mai dim ond y
sawl sydd ag angen meddygol sydd yn yr ysbyty. Dywedodd y gall y
pwyllgor gael y wybodaeth ac ystadegau o safbwynt
Casnewydd.
Gofynnodd y pwyllgor am effaith diffyg symud yn y gwasanaeth penodi rhanbarthol ac a fyddai’r recriwtio sy’n digwydd ar hyn o bryd yn gwella’r canlyniad.
·
Hysbysodd Pennaeth y Gwasanaethau Oedolion y
pwyllgor fod modd rheoli’r effaith, ond fod cynlluniau i
symud ymlaen. Cadarnhaodd y Pennaeth eu bod wedi cefnogi pobl yn y
gwasanaeth, ac wedi cynyddu galluedd mewn mannau eraill. Rhoddodd
sicrwydd i’r pwyllgor fod gwelliannau wedi digwydd ers
ysgrifennu’r adroddiad, a bod adnoddau wedi eu symud er mwyn
cefnogi’r tîm penodi.
Gofynnodd y pwyllgor am eglurder am fframwaith newydd Llywodraeth Cymru a’r anghysondeb gyda graddfeydd COG.
·
Esboniodd Pennaeth y Gwasanaethau Oedolion fod y
ganran o raddfeydd gwyrdd yno oherwydd bod y maes gwasanaeth wedi
gwneud popeth i’w cwblhau o’u safbwynt hwy. Hysbysodd y
pwyllgor y byddai newidiadau yn digwydd, ac efallai bod angen mwy o
esboniad yn yr adroddiad.
Tynnodd y pwyllgor sylw at yr ailadrodd sy’n digwydd mewn rhai mannau, megis gweithredu CDGRh yn yr adroddiad.
· Esboniodd Pennaeth y Gwasanaethau Oedolion y gall amcanion o fewn prosiectau mawr ddod dan feysydd gwahanol, ond cytunodd y byddai modd eu dwyn oll at ei gilydd er mwyn eglurder. Holodd yr Aelod Cabinet dros Wasanaethau Cymdeithasol a oedd yr Aelodau yn ymwybodol o unrhyw ofalwyr di-dâl, ac os felly, iddynt roi gwybod i’r adran er mwyn sicrhau eu bod yn cael yr hyn sy’n ddyledus iddynt.
Dywedodd y pwyllgor fod staffio yn broblem gyffredinol, a holwyd a oedd unrhyw beth yn cael ei wneud i ymdrin â hyn ar lefel Llywodraeth Cymru neu’r DU.
·
Hysbysodd Pennaeth y Gwasanaethau Oedolion y
pwyllgor fod tasgluoedd lleol, rhanbarthol a chenedlaethol yn
edrych ar hyn. Dywedodd fod ffioedd wedi eu codi’n sylweddol
i wasanaethau a gomisiynwyd ac i ofal nyrsio preswyl. Nodwyd y
canoli blaenorol ar werth am arian yn hytrach na’r canoli
presennol ar sicrhau yr atebir anghenion trigolion, a’r gallu
i redeg gwasanaeth effeithiol, teg ac ystyrlon. Tynnodd Pennaeth y
Gwasanaethau Oedolion sylw at y ffaith fod ymdrechion yn cael eu
gwneud i geisio denu a chadw staff trwy edrych ar lwybrau gyrfa a
phrosiectau eraill.
Gofynnodd y pwyllgor pa effaith fyddai’r problemau staffio eleni yn gael at y dyfodol.
·
Dywedodd Pennaeth y Gwasanaethau Oedolion, os na
fyddai digon o ofal yn y gymuned, mai cynyddu wnâi’r
angen am ofalu preswyl, ac y byddai hynny’n gost i’r
cyngor. Hysbysodd y pwyllgor fod pryder ynghylch datblygu taliadau
uniongyrchol, ac a fyddai pobl yn gorfod troi at y cyngor am
becynnau gofal. Nododd Pennaeth y Gwasanaethau Oedolion y byddai
pobl yn aros yn hwy na’r angen mewn ysbytai petai hyn yn
digwydd.
Gofynnodd y pwyllgor am gyfoesiad ar y prosiect i gefnogi gofalwyr ifanc.
·
Cadarnhaodd y Cyfarwyddwr Strategol wrth y pwyllgor
fod prosiectau yn mynd rhagddynt yn dda, gan gynnwys lansio cerdyn
Adnabod Gofalwyr Ifanc. Dywedodd fod mwy o arian wedi ei dderbyn i
Deuluoedd yn Gyntaf yn ogystal â gwasanaethau i blant
tlawd..
Gofynnodd y pwyllgor pa effaith gâi y cynnydd yn nifer y sawl oedd yn cysylltu â’r gwasanaethau oedolion.
·
Dywedodd Pennaeth y Gwasanaethau Oedolion fod y data
yn cynnwys pobl a gyfeiriwyd ymlaen, ac nid o raid gyfanswm y bobl
y cymerwyd eu hachosion. Nodwyd na chasglwyd unrhyw ddata o 2019 i
2020.
Diolchodd y pwyllgor i’r
gwahoddedigion am fod yn bresennol, ac yna gadawsant y
cyfarfod.
1.
Casgliadau Adroddiadau
Pwyllgorau
Teimlai’r pwyllgor fod yr adroddiadau yn gynhwysfawr, a diolchwyd i’r Swyddogion a’u timau am eu gwaith caled yn eu meysydd gwasanaeth.
Gofynnodd y pwyllgor am i gopi o’r llythyr a ddarparwyd i’r Gwasanaethau Plant a Phobl Ifanc am ganfyddiadau Arolygiaeth Gofal Cymru gael ei ddosbarthu iddynt er gwybodaeth.
Gofynnodd y pwyllgor am ddadansoddiad o’r tanwariant yn y Gwasanaethau Plant a Phobl Ifanc er gwybodaeth.
Gofynnodd y pwyllgor, unwaith i ddyddiad gael ei gadarnhau i drosglwyddo Fferm Windmill, i ymweliad safle gael ei drefnu i’r pwyllgor.
Gofynnodd y pwyllgor am i sesiynau gwybodaeth gael eu trefnu iddynt hwy a’r Penaethiaid Gwasanaeth /Cyfarwyddwyr Strategol i roi manylion am y gwahaniaethau rhwng CDAR a CDGRh ac i fynd trwy’r mesuriadau perfformiad cenedlaethol yn fanylach.
Gofynnodd y pwyllgor am i wybodaeth am fenter Gartref yn Gyntaf oedd yn benodol i ardal Casnewydd.
Cododd y pwyllgor rai sylwadau am gyflwyniadau:
· Nodwyd fod modd cyflwyno graff a thabl Ardaloedd Risg y Gwasanaeth ar dudalen ar wahan, gyda’r cyd-destun yn cael ei ddarparu i’r ddau adroddiad er mwyn eglurder.
· Nodwyd ei bod yn gamarweiniol pan oedd ardaloedd a) wedi eu marcio fel rhai wedi eu cwblhau ond lle’r oedd gwaith yn dal i fynd ymlaen a b) fod D/G yn cael ei ddangos lle’r oedd gwaith yn dal i fynd ymlaen.
Croesawodd y pwyllgor y bartneriaeth rhwng Aelodau Cabinet a Chyfarwyddwyr/Penaethiaid Gwasanaeth.
Dogfennau ategol: