Agenda and minutes

Dim

Cynigiodd yr Arweinydd, ac fe'i secondwyd gan y Cynghorydd Matthew Evans, y dylid penodi'r Cynghorydd Tom Suller yn Faer Dinas Casnewydd ac yn Gadeirydd y Cyngor ar gyfer y flwyddyn ddinesig gyfredol.

Cyhoeddodd yr Arweinydd fod y Cynghorydd Suller yn cael ei enwebu'n Faer ar sail statws oherwydd bod David Williams wedi gohirio ei dymor fel Maer.

Penderfynwyd:

Penderfynwyd yn unfrydol y dylid penodi'r Cynghorydd Tom Suller yn Faer Dinas Casnewydd a Chadeirydd y Cyngor ar gyfer y flwyddyn ddinesig bresennol 20/21.

Cymerodd y Cynghorydd Suller yr awenau fel Cadeirydd y cyfarfod o’r pwynt hwn ymlaen.

Diolchodd y Cynghorydd Suller i'r Arweinydd a'r Cyngor.  Dywedodd y Maer ei bod yn anrhydedd mawr derbyn enwebiad Maer ac roedd yn edrych ymlaen at wasanaethu'r Ddinas fel y Dinesydd Cyntaf.

Roedd yn anffodus nad oedd y Cyngor, o dan yr amgylchiadau, yn gallu cynnal seremoni ffurfiol i dderbyn y Maer.  Fodd bynnag, byddai'r digwyddiad Dinesig yn cael ei gynnal cyn gynted ag y gellid ei drefnu'n ddiogel.

Diolchodd y Maer i'r Maer ymadawol, y Cynghorydd Routley a'r Arglwydd Faeres am eu gwaith rhagorol yn ystod y flwyddyn ddiwethaf.

Cyhoeddodd y Maer mai ei elusen enwebedig fyddai'r Gymdeithas Alzheimer a'i Gaplan fyddai’r Tad John Connell o Eglwys y Santes Fair Marshfield.

Roedd y Maer yn falch o gyhoeddi bod y Cynghorydd Val Dudley wedi cytuno'n garedig i wasanaethu fel ei Ddirprwy Faer.

Penderfynwyd:

Penderfynwyd yn unfrydol y dylid penodi'r Cynghorydd Val Dudley yn Ddirprwy Faer Dinas Casnewydd a Chadeirydd y Cyngor ar gyfer y flwyddyn ddinesig bresennol 20/21.

Penodi swydd Arweinydd y Cyngor.

Yna gall yr Arweinydd gyhoeddi penodiadau Aelodau Cabinet a gall Arweinwyr Gr?p yr Wrthblaid gyhoeddi unrhyw benodiadau Cabinet Cysgodol, os dymunant.

Gwahoddodd y Maer i rywun i gynnig penodiad Arweinydd y Cyngor. 

Datganodd y Cynghorydd Mudd fuddiant ar hyn o bryd.

Cyhoeddodd yr Arweinydd, fel y'i hetholwyd, ei phenodiad o Aelodau'r Cabinet:

Siaradwyr yr Wrthblaid

Cytunwyd:

Cafodd y Cynghorydd Jane Mudd ei phenodi’n unfrydol yn Arweinydd y Cyngor.

Penodi cadeiryddion i'r Pwyllgorau Cynllunio a Thrwyddedu, Comisiynwyr Craffu a'r Pwyllgor Gwasanaethau Democrataidd

Yn dilyn enwebiadau gan Arweinwyr eu pleidiau perthnasol, a'r enwebiadau’n cael eu heilio’n briodol, cytunwyd y penodiadau Cadeiryddion Pwyllgorau canlynol gan y Cyngor:

(Datganodd y bobl a rhestrwyd uchod, a oedd wedi’u henwebu, fuddiant yn yr eitem hon ac ni wnaethant bleidleisio ar y penodiadau penodol.)

I weithredu penodiadau aelodau i Bwyllgorau gan y Grwpiau Gwleidyddol.

Cytunodd Arweinydd pob gr?p i rannu penodiadau’r aelodau i'r Pwyllgorau i'r Swyddog Priodol er mwyn eu nodi yn y cofnodion.  Bydd y manylion aelodaeth hyn yn dilyn ac yn cael eu diweddaru maes o law.  

Yn ogystal, enwebwyd y canlynol:

Cynrychiolydd Athrawon CYSAG - Tanya Simmonds

I weithredu penodiadau aelodau i gyrff allanol.

Rhoddodd y Cyngor ar waith y penodiadau aelodau i gyrff allanol.

Cytunodd Arweinydd pob gr?p i rannu penodiadau aelodau i Gyrff Allanol ac Aelodau â Chyfrifoldebau Arbennig i'r Swyddog Priodol er mwyn eu nodi yn y cofnodion.  Gweler Atodiad 1 isod.

Yn ogystal, roedd y Penodiadau Llywodraethwyr Ysgol canlynol wedi'u cynnwys:

Ystyried argymhelliad yr Is-bwyllgor Penodiadau

Fe'i cynigiwyd gan yr Arweinydd a'i eilio’n briodol y dylid penodi Beverly Owen yn Brif Weithredwr yn unol ag argymhelliad yr Is-bwyllgor Penodiadau.

Gofynnodd y Cynghorydd Matthew Evans y dylid nodi y byddai'n pleidleisio yn erbyn argymhelliad yr Is-bwyllgor Penodiadau. Fodd bynnag, ni fwriadwyd i hyn fod yn adlewyrchiad personol ar yr unigolyn dan sylw. 

Penderfynwyd:

Drwy bleidlais fwyafrifol, penderfynwyd penodi Beverly Owen yn Brif Weithredwr a Phennaeth y Gwasanaeth Cyflogedig.

Panel Annibynnol Cymru ar Gydnabyddiaeth Ariannol oedd y corff â'r dasg o bennu'r lefelau cydnabyddiaeth ar gyfer cynghorau yng Nghymru.  Gwnaeth y Panel benderfyniadau mewn perthynas â chyflogau sylfaenol ac uwch gyflogau, a hefyd y cyfraddau a'r amodau ar gyfer treuliau a delir gan awdurdodau cyhoeddus. 

Adroddwyd adroddiad blynyddol 20/21 y Panel i'r Cyngor ar 27 Chwefror 2020 fel rhan o Gofnodion cyfarfod y Pwyllgor Safonau ar 20 Chwefror.  Penderfynodd y Panel y dylid cael cynnydd chwyddiant o £350 (2.5%) i'r cyflog blynyddol sylfaenol o £13,866, gan roi cyflog sylfaenol uwch o £14,218, a fyddai'n cael ei ôl-ddyddio i 1 Ebrill 2020.

Cynigiodd y Maer i dderbyn yr adroddiad ac fe'i eiliwyd yn briodol.

Penderfynwyd:

Cymeradwyodd a mabwysiadodd y Cyngor yr Atodlen Gydnabyddiaeth yr Aelodau ar gyfer 2020/21 fel y nodir yn Atodiad 1 yr adroddiad.

Daeth y mater hwnnw â busnes y Cyfarfod Cyffredinol Blynyddol i ben, felly diolchodd y Maer i gynghorwyr am ddod i'r cyfarfod o bell a datgan bod y cyfarfod wedi cau.