Agenda a Chofnodion

Dim.

Gwahoddedigion:

-       Dimitri Batrouni (Yr Aelod Cabinet dros Drawsnewid Sefydliadol)

-       Rhys Cornwall (Cyfarwyddwr Strategol – Trawsnewid a Chorfforaethol)

-       Tracy McKim (Pennaeth Pobl, Polisi a Thrawsnewid)

-       Matt Lewis (Prif Swyddog, Gwasanaeth Adnoddau a Rennir)

-       Sarah Stephens (Arweinydd Addysgol, Gwasanaeth Adnoddau a Rennir)

-       Kath Beavan-Seymour (Cyfarwyddwr Cynorthwyol, Gwasanaeth Adnoddau a Rennir)

-       Dominic Gibbons (Rheolwr Prosiectau Digidol)

-       Mike Doverman (Rheolwr Cymorth i Ddefnyddwyr, Gwasanaeth Adnoddau a Rennir)

-        Paul Higgs (Cyfarwyddwr Cynorthwyol – Uwch Dîm Arwain – Gwasanaeth Adnoddau a Rennir)

Rhoddodd Prif Swyddog y Gwasanaeth Adnoddau a Rennir a'r Pennaeth Pobl, Polisi a Thrawsnewid drosolwg o'r adroddiad a chefndir i'r Gwasanaeth Adnoddau a Rennir.

Trafodwyd y canlynol:

·   Cododd y Pwyllgor gwestiynau ynghylch y cynnydd o ran recriwtio sefydliadau ychwanegol i'r Gwasanaeth Adnoddau a Rennir (GAR). Esboniodd Prif Swyddog y Gwasanaeth Adnoddau a Rennir gynlluniau i ymgorffori grwpiau yn y GAR a thynnu sylw at ddiddordeb awdurdod yn Lloegr mewn partneriaeth â GAR.

·   Holodd y Pwyllgor am golli 27 aelod o staff yn y GAR. Esboniodd Prif Swyddog y Gwasanaeth Adnoddau a Rennir mai'r prif reswm dros adael oedd cyflogau is o gymharu â sefydliadau eraill. Yn ogystal, roedd rhai staff yn gweld y gwaith yn rhy gymhleth.

·   Gofynnodd y Pwyllgor am ddull y GAR o ymdrin â sgamiau ar-lein. Tynnodd y Prif Swyddog sylw at un mesur y maent wedi'i gymryd, sy'n cyfyngu mynediad i'r DU yn unig.

·   Gofynnodd y Pwyllgor am amrywiaeth y prentisiaid a holodd am gysylltiadau prifysgol ar gyfer profiad gwaith. Rhoddodd Prif Swyddog y Gwasanaeth Adnoddau a Rennir wybod i'r Pwyllgor am eu cydweithrediad â chynllun yng Nghaerdydd a'u hymdrechion i gyrraedd grwpiau lleiafrifol neu grwpiau heb gynrychiolaeth ddigonol.

·   Holodd y Pwyllgor am gysylltu’n uniongyrchol am gymorth gan y GAR. Dywedodd Prif Swyddog y Gwasanaeth Adnoddau a Rennir y gellir darparu'r wybodaeth hon.

·   Holodd y Pwyllgor y ffigurau mewn cronfeydd wrth gefn o’u cymharu â chyllid cyfalaf. Eglurodd Prif Swyddog y Gwasanaeth Adnoddau a Rennir fod y rhain yn ffigurau gwahanol yn seiliedig ar gronfeydd wrth gefn refeniw a chyllid a ddarperir gan Gasnewydd.

·   Gofynnodd y Pwyllgor am nifer y prentisiaethau yng Nghasnewydd. Eglurodd Prif Swyddog y Gwasanaeth Adnoddau a Rennir fod y cyllid ar gyfer y prentisiaethau hyn yn dod o'r GAR, a'u bod yn gweithio gyda'u holl bartneriaid, nid yn unig yng Nghasnewydd.

·   Holodd y Pwyllgor am alwadau y tu allan i oriau a chymorth TG. Eglurodd Cyfarwyddwr Cynorthwyol y Gwasanaeth Adnoddau a Rennir fod y ddesg wasanaeth yn gweithredu 9-5 o ddydd Llun i ddydd Gwener, ac mae’r gwasanaeth y tu allan i oriau yn cael ei staffio i ymdrin â materion system hanfodol. Pwysleisiodd y Pennaeth Pobl, Polisi a Thrawsnewid bwysigrwydd gallu GAR i ddarparu cefnogaeth na all tîm TG mewnol.

·   Holodd y Pwyllgor sut mae'r GAR yn cadw’n ymwybodol o ymosodiadau seiberddiogelwch. Soniodd Prif Swyddog y Gwasanaeth Adnoddau a Rennir am ddyrannu adnoddau a staff i fynd i'r afael â materion seiberddiogelwch. Amlygodd y Pennaeth Pobl, Polisi a Thrawsnewid fod gan Gyngor Casnewydd berchennog risg a  ...  view the full Cofnodion text for item 2.

Gwahoddedigion

-       Janice Dent (Rheolwr Polisi a Phartneriaeth)

-       Dr Bethan Bowden (Ymgynghorydd Iechyd Cyhoeddus Bwrdd Iechyd Prifysgol Aneurin Bevan)

-       Harriet Bleach (Uwch Swyddog Cyfoeth Naturiol Cymru)

-       Wayne Tucker (Uwch Swyddog Polisi a Phartneriaeth)

Rhoddodd y Rheolwr Polisi a Phartneriaeth drosolwg o'r adroddiad, gan fynegi bodlonrwydd y Bartneriaeth â'i ganlyniadau, gan nodi casgliad llwyddiannus cynllun pum mlynedd, a thynnu sylw at gyflawniadau sylweddol y Partneriaid a'u hymrwymiad i'r bartneriaeth. Cymeradwyodd yr Ymgynghorydd Iechyd Cyhoeddus o Fwrdd Iechyd Prifysgol Aneurin Bevan yr ymdrechion a wnaed i ymgysylltu â rhanddeiliaid a derbyniad cadarnhaol y fenter cyllidebu cyfranogiad. Fe wnaethant ganmol yn benodol y berthynas bartneriaeth wirioneddol sydd wedi'i meithrin.

Trafodwyd y canlynol:

·   Diolchodd y Pwyllgor am yr adroddiad a'i gynnwys. Fe wnaethant hefyd holi am statws y faner borffor a'i meini prawf ymgeisio. Dywedodd y Rheolwr Polisi a Phartneriaeth eu bod wrthi’n ailymgeisio am statws baner borffor ar hyn o bryd a rhoddodd sicrwydd i'r Pwyllgor y byddant yn darparu'r wybodaeth y gofynnwyd amdani.

·   Gofynnodd y Pwyllgor a oedd y partneriaid wedi cymryd rhan mewn trafodaethau gyda diddanwyr a pherfformwyr i gasglu eu barn ar ganol y ddinas. Cydnabu'r Rheolwr Polisi a Phartneriaeth yr ymholiad hwn a soniodd y byddant yn rhoi adborth i'r partneriaid yngl?n â'r mater hwn.

·   Holodd y Pwyllgor am y mentrau a'r gweithgareddau sy'n cael eu cynnal i ymgysylltu ag ieuenctid a darparu cyfleoedd iddynt. Ymatebodd y Rheolwr Polisi a Phartneriaeth drwy ddweud bod y maes gwasanaeth atal a chynhwysiant yn targedu ieuenctid yn benodol. Pwysleisiwyd bod cryn dipyn o waith yn cael ei wneud yn hyn o beth. Yn ogystal, cynigiwyd darparu gwybodaeth fanylach y tu allan i'r cyfarfod.

·   Holodd y Pwyllgor am unrhyw newidiadau posibl i'r rhestr o bartneriaid, gan gynnwys ychwanegu neu ddileu rhai. Dywedodd y Rheolwr Polisi a Phartneriaeth wrth y Pwyllgor eu bod yn gwerthuso’u partneriaid yn barhaus. Amlygodd y Pennaeth Pobl, Polisi a Thrawsnewid fod Casnewydd wedi blaenoriaethu mynd y tu hwnt i'r partneriaid statudol, gan wahaniaethu eu hunain oddi wrth awdurdodau eraill.

·   Cododd y Pwyllgor gwestiwn ynghylch ymrwymiad y partneriaid i ddysgu a gwella’n barhaus yn flynyddol. Ymatebodd y Rheolwr Polisi a Phartneriaeth drwy egluro bod y broses ddysgu a gwella yn dilyn dull o'r gwaelod i fyny. Pwysleisiwyd bod gwelliant parhaus yn cael ei annog a'i drin o bob agwedd ar y partneriaethau.

·   Cydnabu'r Pwyllgor arwyddocâd y gwaith amgylcheddol a fydd yn dod â manteision i Gasnewydd. Gwnaethant ddiolch i'r swyddogion am eu hymdrechion yn hyn o beth.

·   Cododd y Pwyllgor bryderon ynghylch a oes mesurau digonol wedi'u cymryd i liniaru perygl llifogydd yng Nghasnewydd. Ymatebodd yr Uwch Swyddog o Cyfoeth Naturiol Cymru drwy ddweud y bydd Cynllun Lles nesaf Gwent yn mynd i'r afael â newid hinsawdd, sy'n cynnwys rheoli perygl llifogydd. Fe wnaethant roi gwybod i'r Pwyllgor hefyd y bydd Steve Morgan, Pennaeth Gweithrediadau De-ddwyrain Cymru yn Cyfoeth Naturiol Cymru, yn ymgysylltu'n uniongyrchol ag aelodau'r Pwyllgor i drafod materion perygl llifogydd y tu allan i'r cyfarfod. Gofynnodd y Pwyllgor am gyflwyno adroddiad ar berygl llifogydd  ...  view the full Cofnodion text for item 3.

a) Diweddariadar y Rhaglen Gwaith i'r Dyfodol (Atodiad 1)

b) CynllunGweithredu (Atodiad 2)

Gwahoddedig:

-          Neil Barnett – Ymgynghorydd Craffu

a) Diweddariad ar y Flaenraglen Waith

Cyflwynodd yr Ymgynghorydd Craffu’r Flaenraglen Waith, a soniodd wrth y Pwyllgor am y pynciau a oedd i’w trafod yn y ddau gyfarfod pwyllgor nesaf:

Dydd Mawrth 10 Hydref 2023, eitemau'r agenda;

·   Cynllun Ardal Bwrdd Partneriaeth Rhanbarthol Gwent 2023 - 2027

·   Adroddiad Blynyddol Bwrdd Partneriaeth Rhanbarthol Gwent 2022-2023

Dydd Mercher 8 Tachwedd 2023, eitemau'r agenda;

·   Partneriaeth Menter ar y Cyd Norse – Adolygiad Strategaeth a Pherfformiad

·   Asesiad Anghenion Strategol Drafft Casnewydd Ddiogelach

b)    Taflen Weithredu

Cyflwynodd yr Ymgynghorydd Craffu y daflen weithredu i'r Pwyllgor.

Cliciwch yma i wylio recordiad o'r cyfarfod

Cliciwch yma i wylio recordiad o'r cyfarfod